Шинэ Яармаг орон сууцны цогцолбор хороолол нь Улаанбаатар хотын суурьшлын шинэ бүс Яармагт 21.6 га газарт нийт 368 мянган м.кв барилгажих талбай бүхий 2910 айлын орон сууц, 1100 автомашины дулаан зогсоол, зөвхөн оршин суугчдын хэрэгцээний спортын талбай, амралтын бүс, нас насны ангилалтай хүүхдийн тоглоомын талбай, зүлэг болон модлог бутлаг ургамал бүхий ногоон байгууламжууд, өргөн хэрэглээний бараа худалдаа, үйлчилгээний зориулалттай тэнхлэг гудамж, усан оргилуур, 1680 хүүхдийн олон улсын хөтөлбөртэй дунд сургууль, сургуулийн 200 хүүхдийн дотуур байр, 300 хүүхдийн цэцэрлэг, FIFA-н стандарт 73:115 харьцаатай автомат усалгаа, гэрэлтүүлэг бүхий хөлбөмбөгийн ногоон талбай, хөнгөн атлетикийн гүйлтийн зам бүхий цэнгэлдэх хүрээлэн, битүү дээвэртэй 2600 хүний суудалтай STEPPE ARENA мөсөн өргөө, олимпын стандартын дагуу баригдаж буй 50 метр урт 10 зам бүхий 800 хүний суудалтай усан бассейн, AQUA парк усан спортын төв зэргээс бүрдэнэ.
Төслийн нийт талбайн 40 хувь нь ногоон байгууламж, хүүхдийн тоглоомын талбай, сагсан бөмбөг, хөлбөмбөг, теннис, хоккей зэрэг спортын талбай байх бөгөөд 30 хувь нь дугуйн зам, гүйлтийн зам, авто зам болон явган хүний зам талбай байх ба үлдэх 30 хувь нь барилгажих талбай, хороолол дунд автомашины хөдөлгөөнийг бүрэн хязгаарласан байхаар тус тус төлөвлөгдсөн.
Архитектурын нарийн тооцоо судалгаан дээр үндэслэн өрөөний зохион байгуулалт, дотоод төлөвлөлт хийгдсэн учир хамгийн үр ашигтай, эргономик, гэр бүлийн хэрэгцээ шаардлагад бүрэн нийцсэн, эрүүл таатай орчинг бүрдүүлж чадсан 2-4 өрөө байрнууд, шинэлэг шийдэл бүхий STUDIO LOFT TERRACE PENTHOUSE дизайныг шингээсэн. ШИНЭ ЯАРМАГ төсөл нь сүүлийн 25 жилд Улаанбаатар хотод анх удаа хүн төвтэй цогц төлөвлөлттэй, зам талбай, ногоон байгууламжийг багтаасан иж бүрэн орон сууцны хороолол гэдгээрээ ялгарах онцлогтой билээ.