Баянгол дүүрэг 4-р хороо, Төмөр замд "Дөрвөн улирал" хотхонд дуплекс бүрэн тавилгатай 3 өрөө удаан хугацаагаар хөлслүүлнэ.
Сарын 2.5 сая төгрөг 3+1
дулаан зогсоол нь тусдаа сарын 300,000 төгрөг
Баруун харсан цонхтой
Түрээсийн төлбөрт Ашиглалтын зардал багтаагүй
3 сарын түрээс + 1 сарын барьцаа авна
Цаашид төлбөрөө улиралаар нь авна
Богино хугацаагаар хөлслүүлэх боломжгүй
Урт хугацаагаар тогтвор сууршилтай, цэвэрч нямбай хүмүүсийг хайж байна.
2 тагттай
2 ариун цэврийн өрөөтэй
СӨХ.н үйл ажиллагаа сайн
24 цагын цахилгаан шаттай
Гадна хүүхдийн аюулгүй тоглоомын талбайтай
Нийслэлийн Баянгол дүүрэг нь Монгол Улсын нийслэл Улаанбаатар хотын төвийн 6 дүүргийн нэг бөгөөд 2949 га газар нутагтай. Зүүн талаараа Чингэлтэй, Сүхбаатар, урд хэсгээрээ Хан-Уул, баруун болон хойд талаараа Сонгинохайрхан дүүрэгтэй хиллэдэг, газар нутгийн хэмжээ бага ч хүн ам ихээр төвлөрсөн дүүрэг юм.
ДҮҮРГИЙН ОНЦЛОГ
Баянгол дүүргийн нутаг дэвсгэрт Монгол Улсын эрчим хүчний хамгийн том үйлдвэр болох ДЦС-4 ТӨХК, Дулааны хоёрдугаар цахилгаан станц ТӨХК, Монгол Улсын эдийн засгийн хөгжлийн тулгуур болсон МонголОросын хамтарсан ХНН УБТЗ, улсын чанартай томоохон эмнэлгүүд болох ЭХЭМҮТ, Улсын гуравдугаар төв эмнэлэг, ГССҮТ ЭХЭМҮТ байдгаас гадна МҮОНРТ, UBS зэрэг хэвлэл мэдээллийн байгууллагууд мөн МҮСТО, Төмөр замын дуу бүжгийн чуулга зэрэг урлаг соёлын томоохон байгууллагууд, Монголын хамгийн эртний түүхэн дурсгалт газрын нэг болох Монголын бурхан шашинтны төв Гандантэгчэнлин хийд байрладаг юм.
Түүнчлэн Баянгол дүүргийг худалдаа, үйлчилгээний газрууд төвлөрсөн дүүрэг бөгөөд Хархорин, Барс зах болон 3, 4 дүгээр хороолол дагасан худалдааны төвүүд үйл ажиллагаа явуулдаг юм.
ХҮН АМ, ӨРХ
Баянгол дүүрэг нь 62.8 мянган өрх, 236.4 мянган хүн амтай. Газар нутгийн хэмжээ бага ч хүн амын төвлөрөл ихтэй. Мөн Баянгол дүүргийг залуусын дүүрэг гэж тодотгож болох бөгөөд дүүргийн нийт хүн амын 60.9 хувийг 35 хүртэлх насны залуучууд эзэлдэг юм. Дүүргийн хүн амыг насны байдлаар авч үзвэл:
0-18 насны хүүхэд 37.8 хувь (89442 хүн),
19-59 насны хүмүүс 54.0 хувь (127556 хүн),
60 ба түүнээс дээш өндөр настнууд 8.2 хувь (19387 хүн)-ийг тус тус эзэлж байна.
Түүнчлэн 2022 оны хүн амын шилжилт хөдөлгөөний үеэр дүүргийн нийт хүн амын тоо 240 мянгад хүрсэн гэсэн статистик мэдээлэл байна.
Мөн дүүргийн нийт өрхийн 82.7 хувь нь орон сууцны хороололд, 17.3 хувь нь гэр хороололд амьдардаг. Сууцны нөхцөлөөр авч үзвэл,
Нийтийн орон сууцанд 51532 буюу 82.1 хувь нь,
Бие даасан тохилог сууцанд 620 буюу 1 хувь нь
Байшинд 5839 буюу 9.3% хувь нь,
Монгол гэрт 4791 буюу 7.6 хувь нь амьдардаг байна.
ХУДАЛДАА ҮЙЛЧИЛГЭЭНИЙ ТӨВ
Мөн Баянгол дүүрэгт татвар төлөлтөөрөө тэргүүлдэг томоохон хувийн хэвшлүүдээс гадна худалдаа, үйлдвэрлэл, үйлчилгээний томоохон зах, худалдааны төв, үйлдвэрүүд олноор үйл ажиллагаа явуулдаг. Хамгийн сүүлийн статистик мэдээллээр дүүргийн хэмжээнд нийт 35086 аж ахуйн нэгж, байгууллага бүртгэгдсэнээс 13347 (38.0%) нь үйл ажиллагаа явуулж байна. Үүнийг өмнөх онтой харьцуулахад бүртгэлтэй аж ахуйн нэгж, байгууллагын тоо 4327 (14.1%), үйл ажиллагаа явуулж байгаа аж ахуйн нэгж, байгууллагын 1220 (10.1%)-оор тус тус өссөн үзүүлэлттэй байна.
БОЛОВСРОЛЫН БАЙГУУЛЛАГА
Баянгол дүүрэгт 2021-2022 оны хичээлийн жилд төрийн өмчийн 20, төрийн бус өмчийн 28, нийт 48 сургууль үйл ажиллагаа явуулж байгаа ба нийт 1733 бүлэгт 56868 суралцагч хамрагдаж байна. Үүнээс бага боловсролын түвшинд 30814, суурь боловсролын түвшинд 18090, бүрэн дунд боловсролын түвшинд 7964 суралцагч байна. Мөн төрийн өмчийн сургуульд 2113, төрийн бус өмчийн сургуульд 508 нийт 2621 үндсэн багш ажиллаж байна.
ЭРҮҮЛ МЭНДИЙН БАЙГУУЛЛАГА
Баянгол дүүргийн нутаг дэвсгэрт улсын чанартай томоохон эмнэлгүүд болох ЭХЭМҮТ, Улсын гуравдугаар төв эмнэлэг, ГССҮТ, Хүүхдийн төв сувилал, Наркологийн эмнэлэг үйл ажиллагаа явуулдаг.
Мөн Баянгол дүүргийн эрүүл мэндийн төв нь ЭМЯ, НЭМГ, НЗДТГ, дүүргийн ЗДТГ-ын бодлого чиглэл, тушаал, шийдвэрүүдийг нутаг дэвсгэрийн хэмжээнд хэрэгжүүлэх, зохицуулах, хяналт тавих, хүн амд нийгмийн эрүүл мэнд, эмнэлгийн II дахь шатлалын тусламж үйлчилгээ болон харьяа дүүргийн хүн амд эмнэлгийн болон нийгмийн эрүүл мэндийн тусламж үйлчилгээг амбулатори болон хэвтүүлэн эмчлэх хэлбэрээр үзүүлдэг юм.
Түүнчлэн засаг захиргааны анхан шатны нэгж болох 34 хороонд ӨЭМТ үйл ажиллагаа явуулдаг бөгөөд эрүүл мэндийн анхан шатны тусламж үйлчилгээг иргэдэд цаг алдалгүй хүргэж байна.