СХД, Мах Импекс ХК -н урд байрлах Мон сүү ХХК -н газар, үйлдвэрийн байр, бренд буюу бэлэн бизнес үнэ тохирч худалдана.
- Өөрийн эзэмшлийн 5,211 мкв эзэмших эрхийн гэрчилгээтэй, нийслэлийн захирамжтай, үйлдвэрлэлийн зориулалттай газартай
- 2006 онд баригдсан төмөр карказ, сендвичин 1,053.2 мкв байгууламжтай | Оффисын хэсэг болон үйлдвэрийн хэсэгтэй | засвар хийх шаардлагатай
- 2017 онд баригдсан 23.45*13.45 метрийн харьцаатай b1 -тэй нийлээд 5 давхар дутуу баригдсан бетон карказтай | 1500 мкв
- Төвийн дулаан болон төвийн бохиртой | 70 м гүний худагтай
- ТЭЦ4 -н өндөр даралтын уурын шугамтай | 250КВ -н 380 -н цахилгаантай | урдуураа төмөр замтай
Товч танилцуулга :
МОН СҮҮ бренд нь 1991 оноос хойш 33 жил тасралтгүй үйл ажиллагаа явуулсан, Хүүхдийн сүүн бүтээгдэхүүн болон ааруулан идээ нь өндөр эрэлттэй, хэрэглэгдэд танигдсан
- Дотоодод үйлдвэрлэдэг цорын ганц хүүхдийн сүүний бүтээгдэхүүний үйлдвэр
- Гадаад зах зээлд гарах боломжтой, Фермерийн аж ахиутай хоршин ажиллах давуу талтай
- Байршлын давуу тал : СХД, 4 -р хороо, Хүнсчдийн гудамж, Хүнсний үйлдвэрлэлийн нэн тохиромжтой байрлал буюу эргэн тойрон Мах импекс, Алтан тариа, Айс марк, Хатансүйх импекс, Милл Хаус зэрэг хүнсний үйлдвэр байрладаг.
☑️ Үнэ: 3.9 тэр бум₮ | 20% бартер сонсоно | бренд болон тоног төхөөрөмж тусдаа буюу 2.5 тэр бум₮
1.1.БАЙГУУЛЛАГЫН ТОВЧ ТАНИЛЦУУЛГА
Монсүү ХХК нь 1991 онд Монгол Улсад суугаа элчин сайдын яамдын сүү, сүүн
бүтээгдэхүүний хэрэгцээг хангах зорилгоор үйл ажиллагаагаа эхэлсэн Улаанбаатар хотын
хамгийн анхны хувийн хэвшлийн сүүний үйлдвэр юм. Бид бүтээгдэхүүнээ 100% үнээний
шингэн сүүгээр үйлдвэрлэж байгаа бөгөөд ямар нэгэн биохимийн болон химийн гаралтай
тогтворжуулагч, хуурай сүүний найрлагагүй. Монголчуудын хэрэглэж заншсан уламжлалт
цагаан идээг үйлдвэрийн аргаар боловсруулж байгаа учир хүний биед ямар нэгэн сөрөг
нөлөө үзүүлэхгүй. Улаанбаатар хотод хамгийн их үгүйлэгдэж байгаа хүүхдийн сүүн тэжээл
болон эмчилгээ сувиллын бүтээгдэхүүний үйлдвэрлэлийг зонхилон явуулж байна. Тус
үйлдвэр нь 30-40 тн сүү хүлээн авч боловсруулах хүчин чадалтай. Үйлдвэрийн дэргэд хими
микробиологийн лаборатори ажиллуулж түүхий сүү болон бэлэн бүтээгдэхүүн исгэлэн тос,
хуурай бодис, элдэв хольц, бруцллёз, зэрэг хими микробиологийн шинжилгээг тогтмол хийх
боломжтой. Бид үйлдвэрлэсэн бүтээгдэхүүн, түүхий эд, сав баглаа боодол зэргийг улирал
бүр хөндлөнгийн итгэмжлэгдсэн лаборатори, улсын мал эмнэлэг, ариун цэврийн төв
лаборатори, ХАБУЛ зэрэг лабораториудад тус тус шинжлүүлж байна. Мөн түүнчлэн Улсын
шалгах эрх бүхий байгууллагагуудын хяаналт шалгалтад тогтмол хамрагдаж, өнөөг хүртэл
үйл ажиллагаагаа амжилттай явуулж байна.
Компанийн давуу талуудаас дурдвал
1. Монгол Улсын анхны цорын ганц хүүхдийн сүүний үйлдвэр.
✓ Дотоодод үйлдвэрлэдэг цорын ганц хүүхдийн сүүний бүтээгдэхүүний
үйлдвэр
✓ Илчлэг, тамир, био тараг зэрэг бүтээгдэхүүн нь хүүхдийг анх бор
хоолонд оруулхад маш тохиромжтой, өндөр эрэлттэй, хэрэглэгчдэд
танигдсан бүтээгдэхүүн
✓ Сүүлийн 5 жилд зөвхөн Улаанбаатар хото шинээр 188.421 хүүхэд
мэндэлсэн бол Улсын хэмжээнд 358.454 хүүхэд мэндэлжээ. Дунджаар
сард 5876, жилд 70,515 хүүхэд буюу хэрэглэгч нэмэгдэх боломжтой. (Эх
сурвалж:Үндэсний статистикийн хороо)
✓ Монгол Улсад дутагдаад буй үндэсний анхны хүүхдийн хуурай сүүний
үйлдвэрлэл эрхлэх боломжтой
✓ Түүнчлэн 33 жил тасралтгүй үйл ажиллагаа явуулсан, зах зээлд
танигдсан ааруулан идээ зэрэг өндөр эрэлттэй бүтээгдэхүүнтэй.
2. Цэвэр сүү, сүүн бүтээгдэхүүн
✓ Орчин үеийн хэрэглэгчид эрүүл, 100 хувь байгалийн гаралтай
бүтээгдэхүүн хоол хүнсэндээ хэрэглэхийг эрмэлздэг болсон
✓ Ихэнх өрсөлдөгч байгууллагуудын хувьд орц А. Орц Б гэж гаргадаг
бөгөөд хуурай сүү ихэвчлэн найрлаганд нь байдаг
3. Дотоод санхүүгийн боломжууд
✓ Үйлдвэрлэлийн урсгал зардлыг багасгах төсөл бичиж банкуудын бага
хүүтэй ногоон зээлд хамрагдах бүрэн боломжтой
✓ Хүнс Хөдөө аж ахуй, хөнгөн үйлвэрийн яамнаас жил бүр хөнгөлөлттэй
зээл заралдаг тул хамрагдах боломжтой. Зээлийн хүүний хэмжээ 5-6% (эх
сурвалж: ХХААХҮЯ)
✓ Дээрх яамнаас заралдаг сүүний урамшуулалд хамрагдаж сүүний
нийлүүлэлтийг нэмэх боломжтой
✓ Татвар болон нийгмийн даатгалын хөнгөлөлтүүд эдлэх боломжтой
✓ Сургуулийн үдийн цайны хөтөлбөр, Сүү хөтөлбөрт бүрэн хамрагдах
боломжтой. Эхний ээлжинд 19,300 сурагчыг нийслэлийн хэмжээнд
хамруулж байгаа ч ойрын хугацаанд илүү их сурагчдыг хамруулах
боломжтой болсноор улсын төсвөөс санхүүжих боломж бүрэн нээгдэх
юм.
4. Үйлдвэрийн байршил
✓ Монсүү ХХК-ийн сүүний үйлдвэр нь үнэ цэнэ бүхий Улаанбаатар хотын
СХДүүргийн хүнсний үйлдвэрийн бүсэд байралдаг
✓ 5 давхар бүхий бүрэн цутгамал үйлдвэр, оффисын зориулалттай
карказыг үйлдвэрийн хүчин чадал, ажилчдын оффис зэргээр ашиглахад
бүрэн боломжтой.
✓ 1000 мкв бүхий оффис үйлчилгээний барилга нь олон чиглэлэлээр үйл
ажиллагаа явуулах боломжтой.
✓ Төвийн уур, дулаан, цахилгааны шугаманд холбогдсон.
✓ Төмөр замд ойрхон тул ачаа тээврийн ажил эрхлэх боломжтой.
5. Олон Улсын зах зээл
a. Сүүний үйлдвэрийн хувьд гадаад зах зээлд бүтээгдэхүүн экспортлох
боломжтой
b. Гадаад зах зээлд эрэлт ихтэй байгаа бүтээгдэхүүн үйлдвэрлэж гаргах бүрэн
боломжтой: Жишээлбэл, ингэний сүү сүүлийн жилүүдэд чихрийн шижин,
зүрх судасны өвчин, аутизмын эмгэгийг эмчлэхэд ач тустай бөгөөд үнээнийй
сүүн бүтээгдэхүүнийг хэргэлж чаддаггүй (lactose intolerance) хүмүүс хэрэглэх
бүрэн боломжтой тул дэлхийн зах зээлд ойролцоогоор 1 л 158 ам.доллараар
зарагддаг юм. (эх сурвалж: https://www.healthline.com/nutrition/camel-milk
1.2.Үйлдвэрийн зориулалттай газрын дэлгэрэнгүй мэдээлэл
Монсүү ХХК-ын газар нь СХДүүргийн 4-р хорооны хүнсчдийн гудамж нутаг
дэвсгэрт байрлах 5,211.0 м.кв талбайг хамрах бөгөөд тус газар нь Хүнсний үйлдвэрлэлийн
нэн тохиромжтой байрлалтай буюу эргэн тойронд Мах импекс, Алтан тариа, Айс марк,
Хатансүйх импекс зэрэг олон хүнсний үйлдвэрлэлийн дунд байрлах давуу талтай.
2.1. Зах зээлийн судалгаа ба боломж
Иргэдийг сүү, сүүн бүтээгдэхүүнээр хангахад, худалдан авагчид төдийгүй
үйлдвэрлэгчид, төр засгийн зүгээс ихээхэн анхаарах болсон.
Монгол улсын Засгийн Газрын үйл ажиллагааны хөтөлбөрт Эрчимжсэн мал аж ахуй,
сүүний үйлдвэрлэлийг нэмэгдүүлэх, талаар тодорхой зорилт тавигдаж, энэ салбарт фермийн
аж ахуй, хоршоо хоршоолол бий болгох, түүнийг санхүү, эдийн засгийн талаар дэмжих, хүн
амын хүнсний хангамжийг нэмэгдүүлэх, ажлын байр бий болгох зэргийг тусгасан бөгөөд
энэ чиглэлээр хэрэгжүүлэх үндэсний хэмжээний Цагаан хувьсгал хөтөлбөрийг
боловсруулан баталсан билээ.
Өнөөдрийн байдлаар нийслэлийн хэрэглэгчдийг сүүгээр хангах дараах эх үүсвэрүүдийг
ашиглаж байна.
✓ Импортын сүү, сүүн бүтээгдэхүүн:Холбогдох байгууллагаас хийсэн судалгаагаар
нийслэлчүүдийн нийт хэрэгцээний 60 орчим хувийг БНХАУ, ОХУ болон бусад улс
орнуудаас импортлон хангаж байна. Үүний зэрэгцээ эдгээр бүтээгдэхүүнд тетрапак
савалгаатай хадгалалтын хугацаа уртасгах зориулалт бүхий тодорхой химийн нэмэлт
бодис агуулсан байдаг нь хэрэглэгчдийн эрүүл мэндэд сөргөөр нөлөөлдөг.
✓ Үйлдвэрийн аргаар боловсруулсан бүтээгдэхүүн: Энэ төрлийн сүү нь эрүүл ахуйн
шаардлагыг хангасан байдаг ч өндөр температурт боловсруулалтыг хийдгээс, бактерийн
тоог цөөрүүлэхийн хамт өндөр үнээр борлогддог нь хэрэглээг хязгаарладаг. Мөн ихэнх
үйлдвэрүүд суурилагдсан тоног төхөөрөмжийн шалгуурыг дотоодын түүхий сүү хангаж
чадаагүйгээс импортлон авсан хуурай сүүг боловсруулан савлах нь элбэг.
✓ Гар дээрээс сүү борлуулагчдын бүтээгдэхүүн: Энэ төрлийн сүүг ихэнхдээ чанарын
баталгаагүй, хэрхэн тээвэрлэсэн нь тодорхойгүй, хувь хүмүүс үйлдвэрлэдэг нь эрүүл
ахуйн чанар стандартыг мөрдөхөд бэрхшээл учруулдаг.
Монгол Улсын Их Хурлын 2012 оны сонгуулийн үр дүнд байгуулагдсан Шинэчлэлийн
Засгийн Газраас Хүнсний гол нэрийн бараа, бүтээгдэхүүний үнийг тогтворжуулах дэд
хөтөлбөрийг хэрэгжүүлэхээр батлан гаргасан нь хүн амын хүнсний хэрэглээний гол нэрийн
бүтээгдэхүүний үйлдвэрлэлийг нэмэгдүүлэх, чанар, эрүүл ахуйн шаардлага хангасан махны
нөөц бүрдүүлэх, сүүний үйлдвэрлэлийг сайжруулах, үнийг тогтвортой байлгахад
стратегийн чухал ач холбогдолтой арга хэмжээ болж байна.
Төслийн зорилго нь өндөр ашиг шим бүхий мах, сүүний үйлдвэрийн үхрийг дагнан
үржүүлж, хэрэглэгчдийн эрэлт хэрэгцээ, эрүүл ахуйн шаардлагад нийцсэн бүтээгдэхүүн
үйлдвэрлэлтийг нэмэгдүүлэх, тэдний хэрэглээг хангахад өөрийн хувь нэмрийг оруулахад
оршино. Мөн үндсэн үйлдвэрлэлийн ашигт ажиллагааны түвшинг нэмэгдүүлэх,
бүтээгдэхүүний өртгийг бууруулах зорилгоор дотоодын нөөц бололцоонд тулгуурлан зарим
нэр төрлийн тэжээлийг өөрийн 300 га талбайд тариалахаар төлөвлөсөн болно.
Төр засаг, олон нийтийн байгууллагуудаас мах, сүүн бүтээгдэхүүний асуудлаар тодорхой
шийдвэрлэх арга хэмжээ авч хөтөлбөр боловсруулан хэрэгжүүлж байна. Тухайлбал төрөөс
эрчимжсэн мал аж ахуй, бэлчээрийн менежмент, малыг эрүүлжүүлэх, эрүүл ахуйн стандарт,
мах, сүү бэлтгэл гэсэн үндсэн чиглэлүүдийг дараах хөтөлбөрүүдэд тусгасан байна:
> Монгол мал үндэсний хөтөлбөр,
> Монгол Улсыг үйлдвэржүүлэх хөтөлбөр,
^ Хоршоог хөгжүүлэх нийгмийн хэмжээний үндэсний хөтөлбөр,
^ Орон нутагт үйлдвэрлэл хөгжүүлэх чиглэл,
> Хүнсний баталгаат байдал үндэсний хөтөлбөр,
> Мал аж ахуй, газар тариалан хосолсон загвар аж ахуйн хөгжлийг дэмжих төсөл,
> Малын эрүүл мэнд, мал аж ахуйн зах зээл төсөл,
> Малын үржлийн ажлыг шинэчлэн сайжруулах төсөл,
> Төвийн бүсийн тэжээлийн хангамжийг нэмэгдүүлэх төсөл,
> Мал аж ахуй төсөл,
> Халх Голын бүс нутагт ХАА-г сэргээх хөгжүүлэх төсөл зэрэг юм.
^ Сүүний хангамж, эрэлт хэрэгцээ, нийлүүлэлтийн зөрүүг арилгаж сүүний салбарыг сэргээх,
зах зээлийн нөхцөлд тохирсон үйлдвэрлэл хөгжүүлэх зорилгоор Монгол Улсын Засгийн
газраас Цагаан хувьсгал үндэсний хөтөлбөр санаачилж, дотоодын сүүний үйлдвэрлэлд
дэмжлэг үзүүлэх шийдвэр гаргасан.
^ Сүүний төслийг Японы ЗГ-ын Кеннеди раунд II хөтөлбөрийн санхүүжилт болон
ХХААХҮЯ-ны хуримтлалын сангаас санхүүжүүлтээр 2 үе шатаар хэрэгжүүлж байна.
Уг төслийн хүрээнд:
> Сүүний үйлдвэрлэлийг нэмэгдүүлэх хөтөлбөр,
> Сүүний зах зээлийг нэмэгдүүлэх хөтөлбөр,
> Сүүний сургалт, салбарын чадавхыг нэмэгдүүлэх хөтөлбөр зэргийг хэрэгжүүлж байна.
Монгол улсын ЗГ-аас уг дэд салбарт хэрэгжүүлж буй бодлогыг ерөнхийд нь дүгнэн авч
үзвэл:
1. Эрчимжсэн мал аж ахуйд суурилан мах сүүний чанар стандарт, малын үйлдвэрлэг
байдал, ашиг шимийг нэмэгдүүлэх
2. Эрчимжсэн мал аж ахуй, өндөр ашиг шим бүхий мал үржүүлэх өсгөхийг дэмжих
3. Мах, сүүний үйлдвэрлэлийг нэмэгдүүлж хангамжийг нэмэгдүүлэх үнийг тогтворжуулах
4. Бэлчээрийн даац хэтрэлтийг бууруулах гэсэн зорилгуудыг агуулсан байна.
Хэрэглэгчийн судалгаа
Хэрэглээ:
Статистикийн Газар болон хоол хүнсний судалгаа хийдэг
байгууллагуудаас гаргасан мэдээллээс үзвэл манай улсын мах, махан бүтээгдэхүүний
хэрэглээнд малын мах 69.3хувь, гахайн мах 2.3 хувь, шувууны мах 0.4 хувь, хиам, лаазалсан
мах 15 хувь, загас болон далайн гаралтай хүнс 13 хувийг тус тус эзэлдэг байна.