2023-02-16

Бөгжний эзэн киноны бодит орчинд аялцгаая! /Хоббитон одоо Airbnb дээр захиалагдаж байна./

  • Хоббит: Гэнэтийн аялал /The hobbit: An Unexpected Journey/ киноны 10 жилийн ойг тохиолдуулан аялал жуулчлалын иргэдийг Middle-earth рүү /Бөгжний эзэн киноны зураг авалт хийсэн газар/ хүргэн, онцгойлон Шинэ Зеландын алдарт Хоббитон киноны талбай дээр үдшийг гайхалтай, дурсамжаар дүүрэн өнгөрүүлэх болно.
  • Шүтэн бишрэгчид нь жинхэнэ зураг авалтын газарт нь яг л Хоббит шиг амьдрах боломжийг олж авах бөгөөд гурвалсан киноны зураг авалтын орчинг өөрийн биеэр мэдрэх болно.

Хамгийн анхны удаагаа дэлхийн өнцөг булан бүрээс ирсэн шүтэн бишрэгчид өөрсдийн дуртай киноныхоо үзэсгэлэнт нутгаар аялан, онцгойлон Хоббитон киноны зураг авалтын газар хонох боломжтой юм. Рассел Александр гэр бүлийнхээ өмчид зочдыг урин “Хоббит” киноны зохиолд гардаг шиг Хоббитонд яг л Билбо Бэггинс шиг амьдарч үзэхийн тулд The Shire-луу очихыг урьж байна.

Шинэ Зеландын Вайкато мужийн үзэсгэлэнт бэлчээрт 2500 акр газар тариалан эрхэлдэг ферм дээр байрладаг ногоон толгодууд нь “Бөгжний эзэн” кинонд Ж.Р.Р.Толкиений дүрсэлсэн The Shire-тэй гайхалтай төстэй бөгөөд 20 гаруй жилийн өмнөөс л Сир.Питер Жексоны киноны хорхойтнуудын сэтгэлийг татсан билээ. Хоббитууд маань өөрийн гэр орноо олсон гэдгийг зохион байгуулагчид ойлгон үүнийг ажил хэрэг болгосон байна.

Александр Airbnb-ийн зөвшөөрлөөр “Хоббит: Гэнэтийн аялал” киноны 10 жилийн ойд зориулсан хүндэтгэлийн арга хэмжээ болгон дөрвөн зочинд нэг шөнийн 10 Шинэ Зеланд долларын (6 ам.доллар) үнэтэй гурван удаагийн 2 шөнийн буудаллах боломж санал болгосон байна.

Ж.Р.Р.Толкиений бүтээлээс “44 Хоббитын Нүх”, “Миллхаус”, “Ногоон лууны буурчийн газар” болон бусад дуртай газрууддаа нэвтрэх бөгөөд бусдаас онцгой дурсамжийг бүтээхээр “Дундад Ертөнц” /Middle earth/ рүү гэнэтийн аялал хийх боломжтой.

Гурвалсан киноны бүтээлч захирал Брайан Масси Миллхаус дахь Билбо Бээгинст зориулсан бичгийн булан зэрэг тухтай хонох байрыг бий болгосон.

  • “Preciousss”-д үдээс хойш түр саатан үдийн цай ууж алжаалаа тайлах мөчийг бүрдүүлсэн.
  • “Ногоон Луу буурчийн газар” /The Green Dragon Inn/-ийн үдшийн хүлээн авалтад шар айрганд чанасан үхрийн мах, бүтэн шарсан тахиа, шинэхэн барьсан талх болон их хэмжээний шар айргаар үйлчилнэ.
  • Мөн “Second Breakfast” болон “Elevenses” нар өдөр бүр үйлчлэх болно. Хоббитон киноны тайзны арын зураг авалтын хэсэгт аялал хийх боломжтой. 

Одоо “Middle Earth”-рүү аялан дүрэм журамтай нь танилцацгаая!

Байшингийн дүрэм:

  • Гэндальф болон компанийг эс тооцвол ямар нэгэн гэнэтийн үдэшлэг зохиохгүй.
  • Нүцгэн хөлөөр гишгэж болно гэхдээ эхлээд хөлөө сайтар арчих ёстой.
  • Шидэт бөгжийг зөвшөөрнө гэхдээ тэднийг нууцалж аюулгүй байлгана.
  • Зөвхөн “Green Dragon Inn”-д одой морь зогсоохыг зөвшөөрнө.
  • Шөнөөр троллууд их үзэгдсэн тул шөнө дөлөөр хэсүүчлэх багассан.
  • Ямар ч гэрийн тэжээмэл амьтан хориотой. /Хоббитоны оршин суугч Pickles муурыг эс тооцвол/
  • Амьд луу руу хэзээ ч битгий инээ.

“Хорь гаруй жилийн туршид бид олон сая хүсэл тэмүүлэл бүхий шүтэн бишрэгчдээ Хоббитон киноны зураг авалтын хэсэгт хүлээн авч байсан ч хэзээ ч “Middle Earth”-д буудаллах боломж урьд өмнө нь байгаагүй. Би гэр бүлийнхээ үзэсгэлэнт фермийн гоо үзэсгэлэнг хуваалцаж буйдаа баяртай байна. Мөн дэлхийн өнцөг булан бүрээс ирсэн шүтэн бишрэгчдэдээ зориулан Airbnb дээр энэхүү гайхалтай байршлыг зохион байгуулж байгаадаа баяртай байна.”  ~ Рассел Александр

Хэрхэн захиалга өгөх вэ?

  • Хоббит, элфүүд, шидтэнгүүд болон бусад хүмүүс Airbnb.com/hobbiton хаягаар зочлох гурван өдрийн аль нэгийг захиалах хүсэлт гаргаж болно.
  • Зочид захиалга өгөх хүсэлт гаргахын тулд баталгаажсан Airbnb профайлтай, ямар нэгэн асуудал гаргаж байгаагүй, 18-аас дээш настай байх ёстой. Хоёр унтлагын өрөөтэй.
  • Нэг нь күийн хэмжээтэй, нөгөө нь кинг хэмжээ бүхий хоёр тусдаа ортой.
  • Зочид Шинэ Зеландын Окланд руу буцах унаагаа өөрсдөө хариуцна. Онгоцны буудал болон үл хөдлөх хоёрын хооронд хоёр цагийн аялалд хоёр талын зорчих унаагаар хангана.(Шидтэн хэзээ ч хоцордоггүйн адил манай зочид цагаа барих нь чухал)
  • Захиалах гэж буй аялагчид маань энд оршин суух журам, орон нутгийн COVID-19 удирдамжийг нарийн чанд мөрдөхийг шаарддаг гэдгийг анхаарах хэрэгтэй.
  • Зочид Окланд руу ирэх болон буцах аялалаа өөрсдөө хариуцна.

Airbnb нь цар тахлын халдварын түвшин болон засгийн газрын бодлогыг анхааралтай ажиглаж байгаа бөгөөд хэрвээ COVID-19 удирдамжийн дагуу зочлох үйл ажиллагааг цуцлах шаардлагатай гэж үзвэл захиалгын хураамжийн буцаалт 31 доллар мөн Airbnb 1000 ам долларын аяллын хөнгөлөлтийг захиалагчдад санал болгох юм.

Шинэ Зеландын алдарт Хоббитон-д ТАВТАЙ МОРИЛ!

Facebook: https://www.facebook.com/remax.mn

Instagram: remax_mongolia

Source: www.airbnb.com