2022-12-09

Нью Йорк дахь 28.5 сая ам.долларын үнэ бүхий баячуудын орон сууцтай танилцацгаая

Энэхүү байр яагаад ийм үнэтэй байгаа болох мөн ийм өндөр өртгөөр зах зээлд хэрхэн борлуулагдах эсэх нь ойлгоход бэрх байлаа. Тиймээс би энэхүү Тэрбумтнуудын дэнж гэгдэх энэ хэсгийн нууцлаг ертөнцийг илүү дэлгэхэд надад тусална гэмээн найдаж реалтор Райан Серхант руу хандсан юм. Та Райаныг Бравогийн "Сая долларын борлуулалт"-аас таньж магадгүй. Тэрээр намайг One57 дээр очиж үзэхийг эелдгээр урьсан тул одоо бүрдээрээ тийшээ зүглэцгээе.

One57 цамхаг нь 57-р гудамжнаас бараг мянган фут өндөрт байрлана. Гэвч 2014 онд уг барилга ашиглалтад орохоос өмнө энэ гудамж үнэхээр орон сууцны зах зээлд тохирохоор хэсэг байгаагүй билээ. Энэхүү хэсэг Карнеги Холл, жуулчид, амтат хоолоор алдартай байв. Хэдийгээр One57-г 57-р гудамжны газрын зураг дээрээс олох боловч, энэ нь тэрбумтны дэнж дэх өндөр рекордыг эвдэж борлуулагдах дүнгээрээ хамгийн дээр жагсаж байна. One57-ийн эхний 27 давхар нь таван одтой Park Hyatt зочид буудал, харин дараагийн 48 нь орон сууцны зориулалттай.

Дотогш ороход гэртээ байгаа мэт л үнэхээр гайхалтай санагдаж байна. Тийм ээ, үүдний танхим нь дэгжин сүрдэм байсан ч амьдралын энгийн чимээнээс тусгаарлаагүй энгийн мэдрэмж өгөх нь үнэхээр сайхан. Бид лифтэнд сууж 41-р давхарт хүрээд Райантай уулзав.

Серхант: Сайн уу. One57-д тавтай морил.

Өгүүлэгч: Үнэхээр л гоёмсог юм. 12 футын тааз, тансаг чимэглэл, шинэ барилгын үнэр. Гэхдээ эдгээр байдал нь төлбөрийн нэхэмжлэл дээрх үнэ дээр нэмэгдэх нь ойлгомжтой.

Серхант: Бидний яг одоо байгаа 41D дублекс нь таван унтлагын өрөө, таван бүтэн болон нэг хагас угаалгын өрөөтэй, гаднаа битүү цэцэрлэгт хүрээлэнтэй.

Өгүүлэгч: Гадна цэцэрлэг буюу соляриум нь архитектурын ховор шийдэл гэлтэй.

Серхант: Барилга нь ташуу таазтай учир энд харагдаж байгаачлан сонирхолтой загварын өрөөг бий болгосон. Тэгэхээр та энд сууж болно, наранд биеэ шарж ч болно. Тэрбумтнуудын дэнжид байрлах 41 давхарт сууж байхдаа л шүү дээ. Үнэхээр галзуу гэмээр

Өгүүлэгч: Соляриумийн хажууд хувийн террас байх бөгөөд эндэх гаднах талбайгаа тохижуулсан хоёрхон байрны нэг юм. Эндэх харагдах орчин болон соляриум мөн дублексийн зохицуулалтыг бодоход л үнэ нь шууд дээшээ өгсөнө. Хоёрдугаар давхарт дөрвөн унтлагын өрөө, түүний дотор мастер люкс байх бөгөөд доорх давхраас илүү үзэмжтэй болгожээ. Угаалгын өрөө нь мэдээж Италиас оруулж ирсэн гантиг чулуугаар хийгдсэн. Шүршүүр, тусдаа ванн, хоёр бие засах газар ч байгаа гээд боддоо. Доод давхарт байрлах асар том гал тогооны өрөөнд хэд хэдэн далд онцлог шийдлүүд ч мөн байсан.

Серхант: Энэ нь шүүгээ байж болох юм шиг харагдаж байгаа биз, гэхдээ үнэндээ сандал болоод л гараад ирнэ.

Өгүүлэгч: Эргэн тойрон дох булан бүрд дизайны шинэ элементүүд байсан. Сэвсгэр сандал, төгс хэмжээтэй хивс нь орон зайг оновчтой болгожээ. Энэ нь тайван, тансаг уур амьсгалыг бий болгосон гэлтэй. Мэдээжийн хэрэг, эдгээрийн аль нь ч санамсаргүй загварууд биш юм.

Серхант: Худалдан авагчид 30 сая доллар байлаа ч эндээс ямар бүтээлч байдлыг харахаа ч мэдэхгүй байгаа. Тиймээс бид тэдэнд үзүүлэх хэрэгтэй. Мөн бидний энэхүү байрыг сонирхсон хүн бүр бүрэн тавилгатай нь авах боломжтой учир нь энэ нь тэдэнд үнэхээр таалагддаг.

Өгүүлэгч: Худалдан авагчид энд байрлуулсан тавилгуудыг сонгож болох бөгөөд азаар эдгээрийн үнэ нь нийт үнэдээ багтсан ажээ. Гэхдээ ямар ч тохь тух үгүй тэрбум долларын үнэтэй барилга гэж юу вэ? 31-р давхарт оршин суугчид өөртөө зориулж асар том тохилог орон зайг гаргажээ. Гудамжны эсрэг талд Карнеги Холлоос хөгжим сонсогддог билльярдын өрөө, үзвэрийн өрөө, биеийн тамирын заал, усан сан байдаг. Гэхдээ эцэс төгсгөл нь үл харагдах авиралтын хана бол миний хувьд хамгийн таалагдаж байгаа нь юм. Гэхдээ энэ өнөөдөр миний оролцох хэрэг биш ээ.

One57 баригдсанаасаа хойш үл хөдлөх хөрөнгийн үнийг өсгөлтөд нөлөөлж байна. Паркын өргөн чөлөө, Бродвэй хоёрын хоорондох 57-р гудамжнаас 59-р гудамж хүртэлх борлуулалтын дундаж үнэ 2010-2018 он хүртэл 64.3%-иар өссөн. Үүнийг Манхэттен дэх борлуулалтын дундаж үнэтэй харьцуулбал ижил хугацаанд ердөө 25.7%-иар өссөнтэй байгаа юм.

Түүхээс үзвэл, хэрэв та Нью-Йоркт хөрөнгө чинээлэг, нөлөө бүхий нэгэн байсан бол та Баруун Төв Парк дахь цэцэрлэгт хүрээлэнгийн үзэмжтэй шохойн чулуун хийц бүхий сонгодог барилгуудын нэгэнд үл хөдлөх хөрөнгө худалдаж авсан. Гэвч орчин үеийн хөгжүүлэгчдэд тулгарч буй асуудал бол эдгээр барилгуудыг нурааж эсвэл өндөр барих боломжгүй байв. Гэхдээ Баруун 57-р гудамжинд бүтээгчид өндөр рүү хүргэж болно. Супер өндөр. 2010 онд бүтээгч Extell тухайн үед нэлээд хачирхалтай байсан төслийн барилгын ажлыг эхлүүлсэн. Үл хөдлөх хөрөнгийн хямралын дунд тэд Баруун 57-р гудамжинд бараг мянган фут урт мега цамхгийг нураажээ. Харин төв цэцэрлэгт хүрээлэн рүү харсан One57 нь энэхүү түүхэн шугамыг бүхэлд нь өөрчилсөн юм.

Серхант: Энэхүү барилга нь анх баригдаж эхэлж байхад Баруун Төв Парк -н үзэгдэх орчин тийм чухал байна гэж хэн ч бодоогүй биз. Мөн энэ гудам үнэхээр, бүр маш завгүй гудам атал хүмүүс "Тийм" гэж хариулсаар л байна.

Өгүүлэгч: One57-ийн барьсан пентхаус орон сууц 2014 онд 100.5 сая доллараар зарагдсан. Үүнийг Майкл Деллийн худалдаж авсан нь Нью-Йорк хотын хамгийн үнэтэй байшингуудын түүхэн амжилтыг эвдэж, тус гудамжийг “Тэрбумтнуудын дэнж” болгожээ. Өнөөдөр Баруун 57-р гудамжийг дээрээс нь доош харвал мега люкс барилгуудын барилгын ажил удаашралгүй байгааг харж болно.

220 Central Park South, Central Park Tower, Steinway Tower зэрэг нь 57-р гудамжинд баригдсан шинэ бүтээн байгуулалтууд юм. Эдгээр барилгууд тэнгэр багадсан тансаг байдал, үнийн хил хязгаарыг давж байгаа боловч үүнд хүн бүр баярлаад байдаггүй. Үүнээс үүдэн өөрчлөгдөж буй зарим хязгаарын шугамаас гадна зарим үл хөдлөх хөрөнгийн мэргэжилтнүүд зах зээлд мөн нөлөөлөхвий гэж санаа зовж байна. Манхэттэн дэх орон сууцны борлуулалт 2018 онд 14%-иар буурч, 57-р гудамжны хамгийн шинэ барилга болох Central Park Tower-н үнэ ч мөн адил буурсан.

Мэргэжилтнүүд анхааруулж буйгаар эдгээр нь эрэлт хэрэгцээгүй тансаг зэрэглэлийн орон сууцны хэт нийлүүлэлтийн шинж тэмдэг байж болзошгүй. Гэхдээ Райн санаа зовохгүй байгаа бололтой. One57 дахь 41D нь зах зээлд гараад ердөө нэг жил болж байгаа бөгөөд энэ нь "Сая долларын борлуулалт"-н хувьд тийм ч их хугацаа биш бөгөөд дэлхийн тэрбумтнуудын хувьд энэ нь гудамжинд байрлах бусад газруудаас хамаагүй хямд гэж Райан хэлэв.

Серхант: Миний бодлоор дэлхийн ихэнх хүмүүст 28.5 сая доллар маш их мөнгө мэт санагдах нь мэдээжийн хэрэг. Энэ бол бидний амьдарч буй нийгэм юм. Нью-Йорк хот, 57-р гудамж, цэцэрлэгт хүрээлэн рүү харсан орон сууцнууд, бидний өдөр бүр тааралддаг бодит байдал бол хүмүүс бидний санал болгохоос ч жижигхэн унтлагын өрөөнд 100 сая доллар зарцуулахад бэлэн байгааг хэлж байна. Галзуу юм аа.

Өгүүлэгч: Хувь хүний хувьд ийм үнэтэй байх нь ойлгомжгүй боловч эндээс орон сууц худалдаж авч байгаа хүмүүс зүгээр л нэг амьдрах байр хайж байгаа юм биш. Тэд дэлхийн хамгийн үнэтэй үл хөдлөх хөрөнгийн нэг хэсгийг сонгож, Тэрбумтнуудыг дэнж дэх үнэ цэн бүхий брэндийг худалдан авч байгаа юм байна.