2022-12-05

2023 ОНЫ ШИНЭ ЖИЛИЙН ҮДЭШЛЭГИЙН САНААНУУД

Шинэ жил дөхөн ирлээ, шинэ жилийн үдэшлэгийн тухай бодох цаг ч ирлээ. Шинэ жилийн өмнөх үдэш бол хүн болгоны хуучин оноо үдэж шинэ оноо үзэх гэж хүлээдэг баяр хөөрөөр дүүрэн үдэш билээ. Сүүлийн үед, сэдэвчилсэн үдэшлэгүүд ихээр зохиогдож, хүмүүс олноор шинэ жилийн сэдэвт үдэшлэг зохиохоор эрмэлзэж байна. Хэрвээ та үүний адил ямар нэгэн шинэ жилийн сэдэвт үдэшлэг зохиохоор төлөвлөж байгаа бол танд зориулсан гайхамшигтай санаануудыг санал болгож байна. Эдгээр нь хамгийн эрэлттэй загварууд бөгөөд хэрвээ та эдгээрээс аль нэгийг хэрэгжүүлбээс таны үдэшлэг гайхалтай болно гэдэг итгэлтэй байна. Эдгээр загварууд бол таны үдэшлэгийг үзсэн хүн болгоныг шагшин магтуулах загварууд юм. Тиймээс та хойш тавилгүйгээр яг одоо үзээрэй.

Насанд хүрсэн хүмүүст зориулсан шинэ жилийн үдэшлэг

Шинэ жилийн үдэшлэгийг анхаарал татахуйц болгохын тулд мэдээж үүнтэй холбоотой сэдэвт үдэшлэг байх учиртай. Хэчнээн ч олон шинэ жилүүд ирж, улиран одсон бай сайн загварчилсан шинэ жилийн үдэшлэг насан туршил сэтгэлд хоногшино. Үүнийг сайтар тунгаан бид таны өмнө эдгээр загваруудыг бэлсэн бөгөөд та гэр бүл, найз нөхөдтэйгээ жинхэнэ гайхалтай цэнгүүнийг хийж болно. Бид томчуудад зориулсан шинэ жилийн үдэшлэгийн зарим нэг ер бусын санаануудыг эмхтгэн хүргэж байна. Та эдгээрийг ердийн л нэгэн оргилуун дарс болон амттангийн цуглуулгатай цуг гайхалтай үдэшлэгүүдийн нэг болгож чадна.

Бүтээлч байдлыг нэмснээр зочдыг анхаарлыг нэмж чадна. Хэрэв та үдэшлэгийнхээ бүх зочдын анхаарлыг татахыг хүсвэл сэдэвчилсэн буюу загварчилсан үдэшлэг шийдэл нь байх болно. Оны сүүлчийн шөнийг шинэ жилийн үдэшлэгээр онцгой болго. Бид шинэ жилийн үдэшлэгт зориулж болох бүх шилдэг загваруудыг багтаасан. Уншаад үзээрэй.

Шинэ жилийн загваруудын санааг судлахаасаа өмнө юун түрүүнд анхаарах ёстой хэдэн зүйлийг авч үзье. Үүнд сэдэвчилсэн үдэшлэг зохиохоор төлөвлөхөөс өмнөх анхаарах зүйлсийг онцоллоо.

Үдэшлэг зохион байгуулах цагийг харгалзан загвараа сонгох хэрэгтэй. Өглөөний цэнгүүнд зориулсан тодорхой сэдэв, үдшийн цэнгүүнд зориулсан онцгой загварууд бий. Тиймээс үдэшлэгийнхээ хуваарь дээр үндэслэн та зөв загвар шийдлийг олох хэрэгтэй. Шинэ жилийн үдэшлэгийн загварыг сонгохдоо мөн зочдын жагсаалтыг дахин тунгаах нь зүйтэй. Ингэснээр та зочдод сэтгэгдэл төрүүлэхүйц үдэшлэгийг зохиож чадна. Өсвөр насныхан ба өндөр настан гэх мэт шинэ жилийн тань үдэшлэгт зочлох хүмүүсээс хамааран үдэшлэгийнхээ загварыг зөв сонгоно.

Үдэшлэг зохион байгуулахад тохиромжтой газрыг сонгох нь бас нэгэн бодууштай зүйлсийн нэг. Үдэшлэг хийх газар маш том үүрэг гүйцэтгэнэ. Үдэшлэгийнхээ сэдвээс хамааран байршлыг сонгоорой. Зарим үдэшлэг дотоод тохижолт шаардлагатай байхад заримыг нь гадаа тохижуулах шаардлагатай байдаг. Байршлаа ухаалгаар сонгоорой.

Та өөрийн загварыг арай албан ёсны байлгахыг хүсэж байна уу эсвэл энгийн байлгахыг хүсэж байна уу гэдгээс хамааран шийдээрэй. Эцэст нь хүрэлцэн ирэх зочдоос хамааран хувцаслалтыг шийдэх нь зөв. Хэрвээ та коктейлтэй үдэшлэг зохион байгуулахыг хүсэж байгаа бол зочдодоо гүн сэтгэгдэл үлдээхийн тулд ямарваа нэгэн намбалаг, ухаалаг шийдэл олохыг хүсэх нь гарцаагүй. Хамгийн сүүлд нь мөн хамгийн чухал нь үдэшлэгийн төсөв. Чимэглэл, үл хөдлөх хөрөнгөд зарцуулагдах асар их хэмжээний хөрөнгө оруулалт хийх шаардлагатай загварууд байдаг. Та өөрийн төсөвт тулгуурлан загвараа сонгож болно.

Диско сэдэвт үдэшлэг

Хэрэв та болон таны зочид шинэ жилийн үдэшлэгийн танхимд бүжих дуртай бол дисдо үдэшлэгийн загвар бол яг танд тохирох загвар юм. Диско бөмбөлөг эргэлдэх мөчөөс эхлэн та хөлөө өвдтөл бүжиглэж болно. Та шөнөжин бүжиглэхийн тулд танд ердөө шилдэг хит дуунуудын жагсаалт байхад л хангалттай. Алтан даашинз, гутлаа ч бас бэлдээрэй. Энэхүү диско үдэшлэгийн өнгө төрхийг бүрдүүлэхийн тулд өрөөний голд гялалзсан диско бөмбөлөг зүүгээрэй.

Үдэшлэгийн гялалзсан загвар

Шинэ жилийн үдэшлэгт зориулсан олон сайхан даашинз бий. Шинэ жилийн тухай бодох төдийд л бидний санаанд гялтганасан гялалзсан саа буудаггүй гэж үү. Шинэ жилийн ямар нэгэн гялтганасан галалзсан зүйлгүйгээр хэзээ ч бүрэн бүтэн биш. Үдшийг гялалзсан өнгөөр чимж, зочдоо мөн гялтганасан хувцсаар гоёхыг хүсээрэй. Үдэшлэгт зориулсан гялалзсан саатай бөмбөлгүүдийг аваарай. Тэгснээр шөнө дунд болж 12 цагийг заахад бөмбөлгүүдийг хагалж болно.

Шөнө дундын үдэшлэг

Хэдийгээр шинэ жилийн үдэшлэг оргилуун дарс уух нь элбэг байдаг ч энэ удаад шүлс асгаруулам амттантай хослуулж шөнө дунд зочидтойгоо найрлацгаая. Зочдоос дуртай хоолыг нь асууж, тэдгээрийн хамтаар хоолны цэсийг бэлдээрэй. Шинэ жилийн үдэш найз нөхөд, гэр бүлийн гишүүдтэйгээ амттай шөнө дундын найрын төлөвлөгөөг зохиогоорой.

Унтлагын хувцастай үдэшлэгийн сэдэв

Бид тун удахгүй 2023 ондоо орох гэж байгаа. Мөн унтлагын хувцасны загвуруудад өөрийн гэсэн онцгой трэнд өнгө төрхүүд байсаар байна. Тийм ч учраас унтлагын хувцасны үдэшлэгийн сэдэв нв 2023 оны шинэ жилийн үдэшлэгийн загваруудын жагсаалтанд оржээ. Хэрвээ та шинэ жилийн үдэшлэгээ арай илүү тайван, тухтай өрнүүлэх хүсэлтэй байгаа бол унтлагын хувцастай үдэшлэгүүдийг үзээрэй. Энэ загвар нь унтлагын хувцастайгаа цэнгэх дуртай хүмүүст тохиромжтой. Зочдоо энэхүү үдэшлэгт зориулж унтлагын хослол өмсөн үдшийг зугаатай өнгөрүүлэхийг хүсээрэй. Галын дэргэд халуун шоколад уун, хамгийн сайхан амттанг идэж өнгөрүүлээрэй.

Кино марафонтой үдэшлэг

Хэрэв та кино сонирхогчдын нэг бол энэ загвар танд зориулагдсан болно. Хэрэв таны зочид таны ойр дотны гэр бүлийн гишүүдээр хязгаардагдаж буй бол энэ загвар нь хамгийн сайн сонголт байж чадна. Шинэ оныг дуртай кинонуудаараа эхлүүлээрэй. Шөнөжингөө кино үзэхийн тулд проектор, дууны систем буюу өсгөгч, попкорн, ундаа, хөнгөн зууш зэргийг байрлуулаарай. Танд энэхүү кино марафоны загвар машид таалагдана гэдэгт итгэлтэй байна. Шинэ жилийн үдэш найз нөхөд, гэр бүлийнхэнтэйгээ хамт үзэх шилдэг кинонуудын тухай манай нийтлэлийг уншаарай.

Хар ба цагаан сэдэвт үдэшлэг

Хар ба цагаан бол мөнхийн классик. Хэрэв та шинэ жилийн үдэшлэгээ тансаг загвартай зохион байгуулахыг хүсвэл хар ба цагаан өнгийг хослуулсанаар таны зочид хамгийн сайхан цагийг дурсах нь лавтай. Зочдоо хар цагаан өнгийг хосуулан хувцаслахыг асууж, байшингаа хар цагаанаар будан, хоолны хэрэгслүүд болон буёад гоёл чимэглэлийг хар цагаанаар жигдрүүлээрэй. Боломжтой бол зоогийн өнгө төрхийг хар цагаан өнгөний хослолоор бэлдээрэй.

Холливудын сэдэвтэй үдэшлэг

Хэрэв та холливудын шүтэн бишрэгчдийн нэг бол энэ загвар танд зориулагдсан болно. Шинэ жилийн үдэшлэгийн сэдэвчилсэн санаануудын нэг нь яалтчгүй холливудын сэдэвтэй үдэшлэг. Хувцасны шүүгээгээ бүхэлд нь нэг шалгаад тарпизан өмд, богино банзал, үсний донжтой даруулга гэх мэт холливуд стайлыг сонгоорой. Холливуд хатан хаад шиг хувцаслаж бүжгийн талбайг эзэгнэхэд бэлдээрэй. Мөн зочдоо тухайн сэдвийн хүрээнд хувцаслан, удахгүй болох томоохон үдэшлэгт бэлдэхийг уриалаарай.

Лазер гэрэлт үдэшлэгийн сэдэв

Хэрэв та шинэ жилээр зочлох клубээ орхиод гэртээ түүнтэй ижил төстэй уур амьсгал оруулахыг хүсэж байвал лазер гэрлийн үдэшлэгийг сонгоорой. Өнгө өнгийн гэрэл авчиран, өрөөний булангуудад байршуулаарай. Та мөн гэрэл цацруулагч чийдэн байршуулаад, гэгээлэг өнгөөр хувцаславал лазер гэрэл гайхалтай тодотгож өгөх болно. Коктейль болон бусад төрлийн ундааг бэлдээд найзуудтайгаа шөнөжин хөгжилдөхөд бэлдээрэй.

За, эдгээр нь бидний тантай хуваалцахыг хүсэж буй шинэ жилийн үдэшлэгийн сэдэв ба загварууд юм.