2022-11-29

ТАЙЛОР СВИФТИЙН ХҮҮХЭД АХУЙН БАЙР ХУДАЛДААНД ГАРСАН БАЙНА

Гүржийн колончлолын үеийн үзэсгэлэнт загвар бүхий дур булаам байшин танд "Ид шидэт" гэх Тайлорын дууг санагдуулж байна уу? Тийм ээ, Тайлор Свифтийн гэр бүл ч мөн адил тэгэж санагддаг байх. 

Хуучин цагийн каунтри жанр болон поп хөгжмийн алдарт шүтээн болсон Свифт өсвөр насныхаа нэгэн хэсгийг энд өнгөрүүлсэн бөгөөд тэрээр хөгжимчин болох мөрөөдөлдөө хөтлөгдөн Теннесси мужийн Нэшвилл рүү нүүж очжээ. Пенсильвани мужийн Рединг хотын Вайомиссинг Хиллсийн хороололд байрладаг энэхүү байшин нь Свифтийн анхны бүтээж байсан дуунуудын ард орших урам зоригийн эхлэл нь байсан юм.

Ойролцоох толгодын үзэмж гайхалтай харагдах энэхүү тансаг байшингийн дотор болон гадна талын нарийвчилсан багана, титмэн шигтгээ гэх мэт нарийн хийгээд хуучин ертөнцийг одоотой холбож буй мэт мэдрэмжийг өгнө. Дотроо таван унтлагын өрөө, дөрвөн угаалгын өрөө, цэлгэр гал тогоо, том үүдний танхимтай бөгөөд харин гаднаа халаалттай усан сан, хувийн цэцэрлэгт хүрээлэн, цэлгэр зүлэгт талбайтай юм.

Эрик Ж.Миллер, Эрик Миллер эцэг хүүгийн бүтээсэн RE/MAX-н “Эрик Миллер”-ийн багийнхан энэхүү 999,900 ам.доллараар зарагдаж буй байшингийн борлуулалтыг хариуцан ажиллаж байна.

Миллерийнхэн болон Свифтийн гэр бүлийнхэн Вайомиссинг мужид хамтдаа амьдарч байсан бөгөөд гэр бүлийн найзуудын харилцаатай байсан нь тэдний хүүхдүүд энэхүү байшинд хамтдаа цагийг өнгөрөөж байсан сайхан дурсамжийг агуулж буй юм.

Хэрэв та энэхүү байшинг хараад "Чи бид хоёр хамтдаа" гэх Тайлорын дууг амандаа хөнгөн дуулах хүсэл төрж байвал илүү дэлгэрэнгүй мэдээллийг энэхүү холбоосоос үзээрэй.