RE/MAX КОМПАНИ ТЕХНОЛОГИ БОЛОН БАГУУДАД БҮРЭН ТӨВЛӨРНӨ.
RE/MAX компани агентууддаа болон ялангуяа багуудад дэлхийн шилдэг технологийг санал болгосноор зах зээлийн ямар ч нөхцөлд амжилт гаргах боломж олгохыг зорьж байна.
Өнгөрсөн жил дэлхий даяарх RE/MAX-ын нийт агентууд салбарын түүхэн дээд рекорд болох 2 сая гаруй гүйлгээг хийсэн билээ. Харин үүнээс жилийн дараа RE/MAX дэлхийн төв оффисоос өндөр өрсөлдөөнтэй зах зээлд агентууд болон багуудад туслахаар хоёр том төлөвлөгөөг зарлалаа. Эдгээр нь өндөр бүтээмжтэй үл хөдлөх хөрөнгийн мэргэжилтнүүдэд RE/MAX яагаад хамгийн зөв сонголт гэдгийг дахин батлах болно.
Дэлхийн шилдэг технологийн платформ болон багуудад зориулсан туршилтын хөтөлбөр нь RE/MAX-ын агентуудын ажлыг хөнгөвчлөхөөр зохион бүтээгдсэн юм. Ойрын хэдэн жил халуухан байсан үл хөдлөх хөрөнгийн зах зээл хэсэг хөрөх хандлага ажиглагдаж байгаа энэхүү өөрчлөлтийн үед RE/MAX-ын агентууд болон багуудын үйл ажиллагаа нь хэвийн үргэлжлэх боломжтой боллоо.
RE/MAX технологийн дараагийн алхам
RE/MAX нь технологийн салбарын шилдэгүүдийн нэг Inside Real Estate-тэй хамтын ажиллагаагаа эхлүүлснээр RE/MAX-ын технологийн стратегид цоо шинэ эрин үеийг авчирч байна.
Энэ оноос эхлэн 2023 он хүртэл үечлэн танилцуулж буй kvCORE платформ нь АНУ болон Канадад үйл ажиллагаа явуулж буй RE/MAX дэлхийн төв оффисийн эзэмшдэг бүсүүдийн агентуудад үнэ төлбөргүй бөгөөд багуудад тусгайлан зориулсан модул зэрэг нэмэлт үйлдлүүдтэй.
kvCORE платформын санал болгож буй үйлчилгээнүүдэд агент, баг болон оффисуудад тус бүрт зориулсан вебсайтаас гадна боломжит харилцагчийн удирдлага, харилцагчийн менежментийн ухаалаг систем, автомат маркетинг болон бусад маш олон үйлчилгээ багтаж буй юм. Уг платформ нь инновац болон гаргасан амжилтаараа алдартай бөгөөд RE/MAX-ын агентууд зах зээл дээр буй хамгийн шилдэг технологийг ашиглаж байгаа гэдэгтээ бүрэн итгэлтэй байж болно.
Хэдийгээр kvCORE платформ нь одоо ашиглагдаж буй харилцагчийн менежментийн систем, IDX вебсайтуудыг орлох нь тодорхой боловч First® апп, RE/MAX Hustle, Megaphone-ы зарим түлхүүр үзүүлэлтүүд гэх мэт RE/MAX-ын технологийн өвөрмөц бөгөөд чухал шийдлүүдийг уг платформ руу үе шаттайгаар шилжүүлэхээр төлөвлөж байна.
Энэхүү хамтын ажиллагааны гэрээ нь RE/MAX-ын сүлжээний нэг хэсэг байхын давуу талыг онцлон тэмдэглэж байна хэмээн RE/MAX-ын Ерөнхийлөгч бөгөөд CEO Ник Бэйли хэллээ.
“Уг шинэ үйлчилгээг RE/MAX-ын агентууд болон багууд хэрэглэснээр тэдэнд технологийн хувьд өрсөлдөөний давуу тал үүснэ. Тэд зах зээлдээ хэмжээ, цар хүрээ, туршлагаараа тэргүүлэгч компаний бүтээсэн дэлхийн шилдэг, байнгын хөгжүүлэлттэй платформыг ашиглахаас гадна бидний бүтээсэн проптек шийдлүүд болох хиймэл оюун ухаанд суурилсан First апп, бичлэг хийх RE/MAX Hustle зэрэг хэрэгслүүдийг ашигласаар байх юм. Агентууд kvCORE болон одоо буй RE/MAX-ын хэрэгслүүдийг цогцоор нь ашиглан технологийн хамгийн шилдэг шийдлийг олон улсын хамгийн бүтээмжтэй, №1 брэндтэй хослуулснаар – давагдашгүй хослол бий болж байгаа юм.”
“Тэд цагаа хамгийн өндөр бүтээмжтэйгээр ашиглан, маркетингаа автоматжуулж, харилцагчдаа удирдан, мөн хамгийн чухал нь гүйлгээ хийхэд бэлэн үйлчлүүлэгчидтэй шууд холбогдох боломжтой системийг ашиглах болно. Ойрын хэдэн жилд RE/MAX-ын технологид олон сэтгэл хөдлөм зүйлүүд таныг хүлээж байна.”
Бүтээмжтэй багуудад хамгийн зөв сонголт
Хоёр дахь томоохон санаачлага нь энэ оны наймдугаар сараас эхлэн 5 мужид туршилтын хөтөлбөрийг эхлүүлэх юм. Энэхүү хөтөлбөр нь RE/MAX-ын оффисуудын багийн системд илүү уян хатан бөгөөд өрсөлдөхүйц зардлын бүтцийг санал болгож байгаа.
“Багууд өөрсдийн хэмжээ болон ур чадвараараа тодорхой өрсөлдөөний давуу байдлаа бий болгодог” хэмээн Бэйли дурдлаа. “Хүн бүхэн багт элсэх шаардлагагүй бөгөөд хүсэхгүй байж болно гэдгийг бид мэдэж байгаа. Ганцаараа ажилладаг шилдэг агентууд манайд маш их бий, гэвч олон багууд өсч хөгжин, амжилттай ажиллахын тулд RE/MAX-т нэгдэж байна.”
Энэхүү жилийн турш үргэлжлэх туршилтын хөтөлбөр нь АНУ дахь төв оффисийн эзэмшдэг бүсүүдэд эхлэн төвлөрөх юм. 2022.08.01-с эхлэх хөтөлбөрт Калифорниа, Флорида, Мэриланд, Нью Жерси болон Техас мужид 6 ба түүнээс дээш тусгай зөвшөөрөлтэй агентуудаас бүрдсэн багууд тусгай үнэ болон борлуулалтын төлөвлөгөөний нөхцлөөр хамрагдах боломжтой.
Уг туршилтын хөтөлбөр нь зургаа болон түүнээс дээш агентуудтай багуудыг RE/MAX-т нэгдүүлэхээс гадна цөөхөн гишүүдтэй багууд хөтөлбөрт хамтрагдахын тулд нэмэлт агент элсүүлэхийг дэмжинэ гэж итгэж байна.
“Борлуулалтын төлөвлөгөөний босго өндөр ч гэсэн хүрч болохуйц бөгөөд багтаа хүн нэмснээр илүү амархан хүрэх боломжтой. RE/MAX-ын оффисууд үйлчилгээгээрээ аль хэдийн үнэ цэнийг бий болгосон ба энэхүү санаачлагаар багуудад RE/MAX-т нэгдэхийн давуу талыг томруунаар харахад туслана гэж үзэж байна. Мөн kvCORE-н багуудад зориулсан модулууд нь төлбөргүй ба RE/MAX-т буй багуудад илүү үнэ цэнийг өгнө” хэмээн Бэйли хэллээ.
Зургадугаар сард гарсан салбарын судалгаагаар RE/MAX дахь багууд илүү өгөөжтэй ажилладаг болох нь батлагдсан. Уг судалгаанд, RE/MAX-н багууд 4 хэмжээний категориудад бүтээмжээрээ 3-т нь ялж, 4 дэхэд нь хоёрдугаар байранд орсон юм. Нийт үзүүлэлтээрээ RE/MAX-ын багууд нэг агентад ногдох гүйлгээний тоо нь 26.6 буюу нэгдүгээрт орсон ба салбарын дундаж тоо нь 18.8 байсан.
Хэрэв энэхүү туршилтын хөтөлбөр анхны 5 мужид амжилттай хэрэгжвэл бусад мужуудад хэрэгжүүлнэ.
Том багууд зах зээлд илүү хувийг эзэлдэг энэхүү салбарт RE/MAX-ынхан багуудыг өсч хөгжин, хэмжээгээ томруулахыг бүхий л талаар дэмжин ажиллаж байгаа. Өмнө дурдсан технологийн шинэчлэл болон RE/MAX University-д 2021 оруулсан өөрчлөлт зэргээс харвал бид үргэлж манлайлан, урагшаа харж, зах зээлийн чиг хандлагыг мэдэрч, өөрчлөлтийг хийн агентууддаа туслах бүхий л боломжуудыг ашигладаг гэж хэлж болно.
“Бид үргэлж нэг алхмын урд байхын тулд ажилладаг ба үүнд хөрөнгө оруулалт хийх болон шинэ санаануудад эрслүүдийг хүлээх хэрэгтэй болдог. Ирэх нэгдүгээр сард RE/MAX-ын 50 жилийн ой тохиож байгаа боловч бид старт-ап компани шиг л хурдтай, эрч хүчтэй байна. Бид брэндээ хүчирхэгжүүлэх, хүрээгээ тэлэх, агентууддаа хүссэн амжилтдаа хүрэхэд нь туслах шинэ арга зам, боломжуудыг байнга эрэлхийлж байдаг” хэмээн Бэйли хэлж байна.