2022-09-30

АВСТРАЛИ ДАХЬ ХОНГ КОНГ ХУДАЛДАН АВАГЧИД БА 4 ТООНЫ АЙДАС

Хонг Конг худалдан авагчид Австралийн үл хөдлөх хөрөнгийн салбарт өөрчлөлтийг авчирч байна. Хонг Конг экспатууд Австрали улсад ажиллаж, амьдрахыг ихээр хүсдэг.  

Австрали улсын хувьд цар тахлын хямралаас сэргэж байгаа бөгөөд, IQI Western Australia-н үл хөдлөх хөрөнгийн агентуудын мэдээлж буйгаар өнгөрсөн жилийн хугацаанд Австрали руу нүүж ирэх Хонг Конг иргэдийн тоо 100%-иар өссөн гэжээ.

Өнөөгийн байдлаар Австрали улсад 86,000 Хонг Конг иргэж амьдарч байгаа бөгөөд энэ тоо хурдацтай өсч байна.

Гэвч Хонг Конг худалдан авагчид байр, гудамж болон тухайн хөрөнгийн үнэ зэрэг тоо, дугааруудад “4” гэсэн тоо орсон байвал худалдан авахаас татгалздаг аж.

“Тетрафобиа буюу 4-н тооноос айх айдас болон тоон ухааныг Хятад худалдан авагчдаас илүүтэйгээр Хонг Конг худалдан авагчд ач холбогдол өгдөг” хэмээн Juwai IQI-н хамтран үүсгэн байгуулагч, захирал Дэниэл Хо Австралийн сонинд өгсөн ярилцлагадаа дурджээ.

“Австралийн зах зээлд Хонг Конгчууд ихээр нэмэгдэж буй нь хөгжүүлэгчид болон борлуулагчдад томоохон асуудал болж байна. 

Мандарин болон Кантон дуудлагаар 4-н тоо үхэл гэдэг үгтэй адилхан хэлэгддэг. Мөн 14 нь ‘гарцаагүй үхэл’ гэж сонсогддог бол 24 нь ‘амархан үхэх’ гэдэгтэй ойролцоо сонсогддог байна. Энэ асуудал мөн адил Тайван, Япон, Малайз болон Солонгос улсын худалдан авагч нарт ч мөн ижил тулгардаг.

Эдгээр тоог муу ёр гэж үзэх нь аргагүй шүү дээ. Өдөр бүр гэртээ ирэхэд хаалган дээр нь “гарцаагүй үхнэ” гээд бичээстэй байна гээд төсөөлдөө. 

Манай судалсны эцэст Хятад худалдан авагчдын дунд үнийн дүнд нь гурван ширхэг наймын тоо давхардаж орсон хөрөнгүүдийн цахим үзэлт үнэд нь наймын тоо нэг ч ороогүй хөрөнгийн үзэлтээс 1/3-ээр илүү байгааг анзаарсан. 

Мэдээж хаяг болон үнэд нь гурван найм орсноос болоод л таалагдаагүй хөрөнгөө авах хүн байхгүй. Гэхдээ таагүй тоо гүйлгээнд саад учруулдаг. Борлуулагчид $1,000,888 гэх мэт азын дугаар орсон үнийн саналд нээлттэй хандаж, бодолцох хэрэгтэй хэмээн ярьсан юм.