2023-04-12

RE/MAX-чууд дэлхийд Монголын үл хөдлөхийн зах зээлийг сурталчилж байна

Хүн болгонд айл өрх бүрд үл хөдлөх хөрөнгийн хэрэгцээ буй. Энэхүү мэдээг уншин суугаа танд ч бас шинэ байр авах, байраа томруулах, зуслангийн байр авах цаашлаад хүүхдийнхээ сургуулийн дэргэд нүүх бодол, хэрэгцээ бий. Гоё байртай болохоор мөрөөдсөөр л сууна уу? Тэгвэл та энэхүү мөрөөдлөө хэрхэн бодит болгож хувиргах гэж байна даа. Таны хүсэж буй тэр дүүрэг, хороололд энэ чиглэлээр мэргэшсэн, танд хэрэгтэй зөвлөгөө, цогц мэдээллийг өгөх агент гэдэг мэргэжил сүүлийн үед зах зээлд бий болж хүмүүст тусалсаар байгааг та анзаарсан уу?

Эдийн засаг цэцэглэн хөгжих, өгсөх уруудах, ёроолдоо тулж хямрал туулах аль ч мөчлөгөөс үл хамааран үл хөдлөх хөрөнгийн зах зээл эргэлдэж л байдаг. Статистикийн төв газрын судалгаагаар Монгол улс маань нийт 3,5 сая орчим хүн амтай бөгөөд 2041 он гэхэд 4 сая хүрнэ гэнэ. Хамгийн их хүн ам төвлөрсөн хот болох нийслэл хотод маань одоогийн байдлаар 411,420 өрх амьдарч байна. Үүнээс дөнгөж тал нь буюу 199 мянган өрх орчин үеийн шаардлагыг хангасан орон сууцанд амьдардаг. Гэрт 91 мянган өрх, хашаа байшинд 112 мянган өрх амьдарч байна. 2003 оноос эхэлсэн ипотекийн зээлийн хөтөлбөр өнөөдрийг хүртэл …. Өрхөд байртай болох боломжийг олгоод буй ч дахин энэ хөтөлбөрт хамрагдах хэрэгцээтэй өрхүүд 150,000-г даваад буй.

ЭНЭ ЗАХ ЗЭЭЛД…

Та энэ зах зээлийн талаар илүү их мэдлэгтэй байх тусам илүү сайн шийдвэр гаргах боломжтой болно. Тэгвэл одоогийн байдлаар 77 брокер оффис, 1000 гаруй үл хөдлөх хөрөнгө зуучлагч агентуудтайгаар, хамгийн өргөн хүрээгээр үйл ажиллагаагаа явуулж буй Ремаксчууд дата мэдээллийн сандаа 200,000 гаруй үл хөдлөх хөрөнгийн мэдээлэлтэй ажиллаж байна. Энэ нь Монгол улс дахь нийт үл хөдлөх хөрөнгийн сангийн 70 орчим хувь юм. Тэд танд хамгийн сүүлийн үеийн энэ салбарын мэдээ, мэдээллийг хүргэж таны сонирхож буй хотхон, хорооны боломжит хөрөнгүүд, сүүлийн үеийн мэдээллийг танд өдөр бүр хүргэнэ.

ДЭЛХИЙД...

Жил бүр АНУ-ын Лас Вегас хотод болдог дэлхийн хамгийн том үл хөдлөх хөрөнгийн R4 арга хэмжээнд Монголоо төлөөлж RE/MAX-ын 55 хүнтэй том баг оролцоод ганзага дүүрэн иржээ. Энэ жил RE/MAX-ын 50 жилийн ой тохиож дэлхийн 120 гаруй орноос, дэлхийн өнцөг булан бүрээс 10,000 гаруй Ремаксчууд хуран чуулжээ. RE/MAX дэлхийн №1 үл хөдлөх хөрөнгийн компаниар сүүлийн 30 жилийн турш тогтмол шалгарч буй.

Энэхүү арга хэмжээнд Ремакс Монголчууд оролцож Монгол улсаа дэлхийн үл хөдлөх хөрөнгийн зах зээлд таниулахад өөрсдийн хувь нэмрээ оруулсаар байгаа билээ. Монголоо төлөөлж оролцсон 55 Ремаксчууд маань Монгол хувцсаа өмсөж, өв соёлоо түгээн дэлгэрүүлж, сурталчлан оролцсон юм.

Нийт дэлхийн 120 гаруй орноос 10,000 гаруй үл хөдлөх хөрөнгийн мэргэжилтнүүд оролцсон тус арга хэмжээнээс Монгол улсаас хоёр Брокер захирал дэлхийн шилдэг брокерын шагнал хүртсэн гайхалтай мэдээтэй.

RE/MAX 50 жилийн ойгоор SINGLE OFFICE төрөлд RE/MAX Platin Б.Батгэрэл ДЭЛХИЙН ШИЛДЭГ БРОКЕР ЭЗЭМШИГЧ

MULTIPLE OFFICE төрөлд RE/MAX SKY О.Очир-Эрдэнэ захирал дэлхийн шилдэг, хүндэтгэлийн "BALLOON AWARD " ШИЛДЭГ БРОКЕР ЭЗЭМШИГЧ шагналуудыг хүртлээ.🏆

Мөн Азийн бүсийн шилдэг улсаар 4 удаа шалгарч байсан Ремаксчууд өсөлтийн хурд, нэг хүнд ногдох үл хөдлөх хөрөнгийн борлуулалтын дүн, засаглал, сургалтын систем зэрэг үзүүлэлтүүдээрээ шилдэгт багтжээ.

Монголд төдийгүй дэлхийд Монголын үл хөдлөх хөрөнгийн сурталчилж, таниулахад өөрийн хувь нэмрээ оруулсаар буй Ремаксчууд таны амьдралын хамгийн чухал шийдвэрүүдийн нэг болох үл хөдлөх хөрөнгийн шийдвэр гаргахад танд хамгийн ойрхон байх болно.

Дэлхий дээр хэн ч Ремаксаас илүү үл хөдлөх хөрөнгө зардаггүй.

Мэдээллийн сандаа 200,000 гаруй үл хөдлөх хөрөнгийн мэдээллийг багтаасан, зах зээлд тэргүүлсээр буй Ремаксын агенттай яг одоо холбогдоорой.