2023-04-04

 1000 гаруй үл хөдлөх хөрөнгө эзэмшигч 36 насандаа хэрхэн санхүүгийн эрх чөлөөнд хүрч албан ёсоор тэтгэвэрт гарсан тухайгаа тайлбарлав.

• Дэйв Оллред анхны үл хөдлөх хөрөнгөө худалдаж авснаас хойш ердөө 13 жилийн дараа буюу 36 насандаа албан ёсоор тэтгэвэртээ гарлаа.

• Тэрээр "Урвуу инженерчлэл" ашиглан санхүүгийн амжилтад хүрч чадсан юм.

• Oллредын хэлж буйгаар хүссэн амьдралын хэв маягаа хөрөнгө оруулалтын аргатайгаа нийцүүлэх нь маш чухал гэж итгэдэг гэжээ. 

Дэйв Оллредын бага насанд саятан болох гэдэг нь хэзээ ч санаанд оромгүй явдал байв. Оллред Юта мужид нийгмийн оролцоо муу, маш бага орлоготой, ажилчин ангийн гэр бүлд төрсөн бөгөөд эцэг эх нь түүнд санхүүгийн мэдлэг, хөрөнгө оруулалтын талаар огт заагаагүй. Тиймээс 17 настайдаа гэрээсээ зугтаж, жижиг байшинд амьдрах болжээ. Тэрээр хорхой жоом ихтэй, хонхор дээвэртэй байшинд амьдардаг байсан бөгөөд зөвхөн түргэн хоол, рамен гоймонгоор л голоо зогоодог байв.

Гэвч эцэст нь Оллред бага насныхаа энэхүү амьдрал маш талархаж явдаг.

"Надад амьдралаа бүхэлд нь шинэчилж, гэр бүлийнхээ төлөө болон тэдэнд үлдэх зүйлсийн төлөө бүхнээ зориулж хичээх сэдэл өгсөн. Одоо бидний өөрийн болгосон зүйлс бидний хаанаас ирсэн түүх, туулсан амьдралаа шагнал мэт хүлээн авах боломж өгч сэтгэл хөдөлгөм санагдуулдаг." хэмээн сүүлд Insider-д өгсөн ярилцлагадаа дурджээ.

Insider-аар давхар баталгаажуулсан баримт бичгийн дагуу, өдгөө 42 настай Оллред нь 15 мужид 30 өөр үл хөдлөх хөрөнгийн 1250 гаруй өмчийг багтаасан гайхалтай үл хөдлөх хөрөнгийн багцыг эзэмшдэг бөгөөд эдгээр нь ойролцоогоор 30 сая долларын бодит үнэ цэнтэй гэж Insider-д тооцоолжээ.

Оллред хэзээ ч том мөрөөдөхөөс айж байгаагүй. Үнэн хэрэгтээ тэрээр үл хөдлөх хөрөнгийн хөрөнгө оруулагчийн хувьд өнөөдрийн амжилтынхаа ихэнх хэсэгт өөртөө санаанд багтамжгүй зорилго тавьж, шаардлагатай бүх арга замаар түүндээ хүрэхээр хичээж байсан тухайгаа хэлдэг.

Коллежид байхдаа Оллред Чикагод цагийн ажил хийж Vivint хэмээх гэрийн хамгаалалтын системийг хаалганаас хаалга дамжиж зарж байхдаа амжилтын анхны амтыг мэдэрсэн ч тэрээр анхнаасаа энэ ажилд дургүй байжээ. "Энэ бол мэдээж миний хийхийг хүссэн зүйл биш бас энэ ажилд ямар ч сайхан зүйл байхгүйг мэдэж байсан. Гэхдээ хүнд хүчир ажлыг би хэзээ ч голж байгаагүй" гэж Оллред хэлэв. Гэвч энэхүү ажил нь Оллредийн амьдралдаа тулгарч байсан хамгийн хэцүү сорилт болж хувирав. Тэрээр эхний сард "ихэнхдээ бүтэлгүйтэж" зун дуусахаас өмнө багийнх нь бараг 80 орчим хувь нь ажлаа орхисон байлаа.

Харин хамгийн багадаа 100 бүтээгдэхүүн зарж чадах хүн ирэх жил борлуулалтын менежер болох боломжтой гэдгийг даргаасаа сонссоны дараа Оллред цуцалтгүй хичээхээр шийджээ. Энэ үед миний дотор яг л оч үсрэх мэт болсон. Би менежер болж, илүү их мөнгө олж чадна. Би удирдагч болж, жинхэнэ утга учиртай зүйлийг бүтээж чадна гэж тэрээр боджээ. Тиймээс тэрээр хоёр дахин ихээр хичээхээр шийдэв.

Тэр зун Оллред 100 бүтээгдэхүүн борлуулж, өөртөө 31,000 долларын орлого оруулсан нь түүний хийсэн хамгийн чухал хөрөнгө оруулалт байсан гэж тэрээр Insider-д ярьжээ. Энэ бол түүний амжилтын анхны амт байсан бөгөөд үүнээс хойш тэрээр энэхүү бизнест гүнзгий оржээ.

Эцэст нь Оллред тус компанид бүс нутаг хариуцсан борлуулалтын менежерээр ажиллах бүтэн цагийн ажлын санал хүлээн авсан бөгөөд энэ нь түүнийг коллежоо орхиход хүргэв. Тэрээр энэхүү хамгаалалтын системийн компанид ажилд орохын тулд ердөө есхөн кредит л судлахад дутуу байсан бизнесийн чиглэлийн сургуулиа ийнхүү хаяжээ.Ийнхүү бүх чинээлэг үйлчлүүлэгчид нь үл хөдлөх хөрөнгөд хөрөнгө оруулдаг гэдгийг нягтлан бодогчоосоо сонсоод Оллред үүний талаар сонирхож эхэлсэн ажээ. Ойролцоогоор 23 настай Оллред анхны үл хөдлөх хөрөнгийн худалдан авалтаа хийжээ. Дараа жил нь тэрээр 100,000 доллароор дахин дөрвөн байр худалдаж авсан бөгөөд эдгээрийг бэлэн мөнгөөр худалдаж авсан байна.

Дөрвөн жилийн дараа үнэ нь хоёр дахин өссөний дараа Оллред өөрийн эзэмшилдэх байшингаа зарж, тус бүр нь 550,000 долларын үнэтэй дөрвөн фоорплекс худалдаж авсан бөгөөд тус бүр нь ойролцоогоор 200,000 долларын урьдчилгаа төлбөр шаардав. Оллред 1031-ийн солилцоог ашиглан борлуулалтын орлогоо шинэ өмч рүүгээ бүрэн сольсон бөгөөд энэ нь гэрээнд өөрийн мөнгөө ашиглах шаардлагагүйгээр худалдан авалт хийх арга ажээ.

Үл хөдлөх хөрөнгөөс гадна Оллред сургуулиа орхисон нь маш их үр өгөөжөө өгсөн. Тиймээс тэрээр 26 нас хүрэхдээ зөвхөн борлуулалтын орлогоороо саятан болсон байв. Тухайн үед ирээдүйн 30 насандаа гурван сая долларын орлоготой болох дараагийн зорилгоо тавьсан байна. Ийнхүү дараагийн дөрвөн жил өнгөрсний дараа Оллредийн дөрвөн фоорплекс нь тус бүр ойролцоогоор 800,000 долларын үнэд хүрсэн тул тэдгээрийг зарж, 1031 солилцоог дахин ашиглаж, өмчөө хоёр дахин өсгөжээ.

Тэрээр хэлэхдээ "Би нэг фоорплексээ 500,000 доллароор зарж төдий бэлэн бус эргэлтийн хөрөнгөтэй болно. Харин үүнийгээ ашиглаж өөрөөсөө нэг ч зоос дахин гаргахгүйгээр өөр хоёр фоорплекс худалдаж авна. Өөрөөр хэлбэл би 8 үл хөдлөх хөрөнгийг 16 үл хөдлөх хөрөнгө болгоно. Ийнхүү эдгээр 16 нь цаашлаад 32 үл хөдлөх хөрөнгө болтлоо халааснаасаа ямар ч нэмэлт мөнгөгүйгээр зөвхөн өөрийн хөрөнгийн үнэлгээг урьдчилгаа төлбөр болгон ашигласнаар хэлэлцээр хийж байсан" гэж тайлбарлав.

40 нас хүртлээ 40 үл хөдлөх хөрөнгийг эргэлдүүлэв.

Тэрээр 30 настайдаа үл хөдлөх хөрөнгийн орлого, борлуулалтын шимтгэлийн ачаар гурван сая долларын зорилгодоо хүрсэн ба яг энэ мөчид Оллред санхүүгийн байдлаа үүрд өөрчлөх шийдвэр гаргажээ. Тухайн үед тэрээр маш их бодлогоширч дотроо ийнхүү бодсон "Би санхүүгийн эрх чөлөөг олж авахын тулд жил бүр идэвхгүй орлоготой болох хэрэгтэй". Оллредийн хувьд санхүүгийн жинхэнэ эрх чөлөөнд хүрэх нь гэр бүлийнхээ амьжиргааны зардлыг бүрэн нөхөх хангалттай тогтмол идэвхгүй орлоготой байх гэсэн үг юм.

30 насныхаа босгыг давсан нэгэн ням гарагийн өдрийг би маш тод санаж байна. Би дөрвөн цагийн турш суугаад, энэ бүх үйл явцаа урвуу инженерчилж, санхүүгийн эрх чөлөөнд хэрхэн хүрэх талаар тодорхой төсөөллийг тодроо гаргасан. Ингээд би гэр бүлийнхээ амьжиргааны өртгийг нэг бүрчлэн тооцоолж эхэлсэн. Оллред гэр бүлийнхээ амьжиргааны зардлыг бүрэн нөхөх хангалттай тогтмол идэвхгүй орлогыг бий болгохын тулд түрээсийн 40 үл хөдлөх хөрөнгө эзэмших шаардлагатай гэж дүгнэжээ. Түүний шинэ зорилго: 40 нас хүртлээ 40 үл хөдлөх хөрөнгөтэй болох бөгөөд үүнийг бүрдүүлэхэд нийт 10 жил орохоор байв.

Оллред өөрийн бүх нууц үг, iPhone утасныхаа дэлгэцийг 40-40 тарни-аараа сольж зорилгоо байнга санаж байхаар болгожээ. Мөн ням гараг бүр тэр өөрийн ахиц дэвшлээ тунгаахдаа цаг гаргаж байв. "Би "Урвуу инженерчлэл" гэх үгэнд дуртай. Энэ бол зүгээр л том зорилгыг жижиг болгож, хийхэд амархан болгох арга юм. Үүний нэг жишээ бол та зааныг хэрхэн идэх вэ? гэх асуултад нэг удаагийн хазах гэж хариулахтай ижил" гэж Оллред хэлэв. Энэ нь тэрээр тус зорилгодоо хүрэхдээ зарцуулах боломжтой бүхий л санхүүгийн зардлаа ч мөн тооцоолсон гэсэн үг юм. Оллред өөрийг нь удирдан чиглүүлэхэд туслах улсын үл хөдлөх хөрөнгийн шилдэг дасгалжуулагчдын нэгийг минут тутамд 29 долларын үнээр хөлсөлжээ. "Шинэ бизнес эрхлэх хамгийн сайн арга бол тухайн салбарын 1%-т л байх топ хүмүүсийг олж, тэдгээр хүмүүстэй ойр дотно байх явдал гэдгийг мэдэх юм". Оллред өөрийн багцын тухайд 1031 солилцоог дахин ашиглаж 12 шинэ фоорплексийг худалдан авч өөрийн эзэмшиж буй хөрөнгийн хэмжээг нийт 16 фоорплекс болгож чаджээ. "Би эхний 4 үл хөдлөх хөрөнгөө 60 хүртэл нь халааснаасаа нэг ч мөнгө гаргалгүй 1031 аргаар хийж чадсан".

Оллредийн дараагийн алхам фоорплексээсээ хоёрыг нь зарж, тэр мөнгөөрөө Солт Лейк хотод 20 өрх бүхий барилга худалдан авах явдал байв. Тэрээр дахин гурвыг зарж, орлогоо Канзас-Ситид 227 айлын орон сууцны хороололд хөрөнгө оруулалт хийсэн. 2017 онд 36 нас хүрэхдээ Оллред 40 үл хөдлөх хөрөнгөтэй болох зорилгоо биелүүлж, төлөвлөсөн хугацаанаасаа дөрвөн жилийн өмнө бүтээж чаджээ. Тухайн үед тэрээр хаалганаас хаалга дамжин хийж байсан худалдаанаас албан ёсоор гарч, үл хөдлөх хөрөнгийн салбарт бүтэн цагаар ажиллахаар шийдсэн билээ. "Миний бодлоор энэ бүхний хамгийн том түлхүүр бол маш тодорхой зорилготой байх юм. Мөн энэ нь яагаад надад маш чухал болсныг үргэлж санах явдал байсан. Учир нь би гэр бүл, хүүхдүүддээ цаг зав гаргахыг хүсэж дэлхийгээр аялах амьдралын чадавхтай байхыг чин сэтгэлээсээ хүссэн".

Оллредийн дараагийн зорилго бол 40 нас хүрэхдээ 1000 үл хөдлөх хөрөнгө эзэмших ажээ. Энэхүү зорилгынхоо төлөвлөгөөг боловсруулан түүнийгээ хэрэгжүүлж, бүтэн цагаар цуцалтгүй ажилласны эцэст тэрээр 41 нас хүрэхээсээ нэг сарын өмнө энэ бүхний ард гарч чадсан юм. Зорилгодоо хүрэхийн тулд сайн төлөвлөгөө гаргах нь хөрөнгө оруулагчийн хийх ёстой хамгийн чухал зүйлсийн нэг гэж Оллред үздэг. Хүссэн амьдралын хэв маягаа хөрөнгө оруулалтын аргатайгаа нийцүүлэх хэрэгтэй. Өөрөөр хэлбэл та хүсэж буй амьдралын хэв маягаа урвуу инженерчилж, хөрөнгө оруулалт чинь тэр үр дүнд нийцэж байгаа эсэхийг шалгах явдал юм гэж тэр тайлбарлав.

Тэрээр үргэлжлүүлэн хэлэхдээ, «Үл хөдлөх хөрөнгө бол зөвхөн санхүүгийн амжилт авчрах төдийгүй амьдралын хэв маягийн жинхэнэ эрх чөлөөг бий болгосноор төдий чинээ цаг хугацаа ч мөн таных болдог.» Хөрөнгө оруулагчид ихэвчлэн богино хугацаанд үр дүн нь гарж өгөхгүй байхад урам хугарч эхэлдэг, гэхдээ тийм байхгүй байх нь маш чухал юм. Оллредийн амжилтын нэг хэсэг нь удаан бөгөөд уужуу явц дундаж үр дүнг нь мэдрэх юм. Тэрээр мөн ням гараг бүр дор хаяж 30 минут "40-40" гэсэн зорилгоо эргэн харахыг зорьж анзаараагүй байж болох ахиц дэвшлээ хэмждэг байв.

Үл хөдлөх хөрөнгийн сангаа үргэлжлүүлэн өсгөсөөр байв.

2015 онд Оллред үл хөдлөх хөрөнгийн синдикатуудад оролцож эхэлсэн. Өнөөдөр түүний эзэмшиж буй 1250 гаруй үл хөдлөх хөрөнгөний зөвхөн удирдах албан тушаалд ерөнхий түншээр оролцож байсан гэрээнүүд нь л багтаж байгаа. Оллредийн хэлснээр хэрвээ түүний хязгаарлагдмал түншээр ажиллаж байсан ажлуудыг оролцуулбал нийтдээ 4000 орчим үл хөдлөх хөрөнгө эзэмшдэг байна. Оролцож байсан синдикатуудаараа дамжуулан Оллред үл хөдлөх хөрөнгийн сангуудын бүтэц, төрөлжсөн байдалд сонирхолтой болжээ. Мөн энэхүү бүтэц нь хөрөнгө оруулагчдад сөрөг эрсдэлийг бууруулахад тусалдгаараа онцлог юм. "Чи ганцаараа хурдан явж чадах ч багаараа илүү хол явах болно. Энэ л намайг хөрөнгө оруулалтын санд татсан гол зүйлсийн нэг. " гэж тэр хэлэв.

2020 онд Оллред илүү олон хөрөнгө оруулагчдад үнэ цэнийг бий болгож, хөөсөрсөн зах зээл дээр гарахад нь туслах зорилгоор эдийн засгийн хямралд тэсвэртэй үл хөдлөх хөрөнгийн чиглэлээр үйл ажиллагаа явуулдаг Axia Partners хөрөнгө оруулалтын фирмийг нээхээр шийджээ. Тус фирм нь аль хэдийн хоёр сангаа амжилттай босгож чадсан бөгөөд одоогоор гурав дахь сангийн эх үүсвэр татах шатандаа явж байна. АНУ-д үл хөдлөх хөрөнгийн сангууд нь нэг ширхэг үл хөдлөх хөрөнгөд хөрөнгө оруулахаас 2.7 дахин бага эрсдэлтэй байдаг гэсэн статистик мэдээлэл байдаг. Бидний гол арга барил нь хамтрагч түншүүддээ хүчтэйгээр өсөх боломж бүхий өгөөжийг бий болгож өчигдрөөс илүү томыг өнөөдөр хийх явдал юм. гэж тэрээр хэлжээ. Түүний хөрөнгийн багцтай танилцвал нийт үндсэн дөрвөн төрөл бий.

Гэр бүлийн цогцолбор буюу түүний талх болон цөцгийн тосны зохицол түүхэндээ эдийн засгийн хямралд хамгийн тэсвэртэй үл хөдлөх хөрөнгө байсан хувийн нөөц хадгалах түрээсийн агуулахууд; RV парк буюу машины зогсоол түрээс, учир нь "тэнд асар их бэлэн мөнгөний урсгал явагддаг"; мөн цахим худалдаа руу шилжиж буй энэ цаг үед их хэмжээний бараа нөөцлөх боломжтой агуулахын байр зэрэг нь ойрын таван жилийн хугацаанд үл хөдлөх хөрөнгийн салбарт тэргүүлэхээр байна гэж Оллред тайлбарлав.

Axia Partners мөн үл хөдлөх хөрөнгөө нэмүү өртөг шингээж өгөөжийг бий болгодог бөгөөд Оллред нь зөвхөн хүчтэй эерэг шилжилт хөдөлгөөнтэй зах зээлд хөрөнгө оруулалт хийлэг. Ирээдүйн тухайд, Оллред Axia Partners-ийг олон тэрбум долларын фирм болгоход гол анхаарлаа хандуулжээ. Тэрээр мөн өөртөө хоёр шинэ хувийн зорилго тавьсан бөгөөд энэ нь: 10 сая хүнд хүртээмжтэй үнэ цэнийг бий болгох, амьдралынхаа туршид үл хөдлөх хөрөнгийн хөрөнгө оруулалтаар дор хаяж 1000 хүнд санхүүгийн эрх чөлөөнд хүрэхэд нь туслах гэмээн энэхүү удаагийн ярилцлагаа өндөрлөв.