2023-03-02
ДЭЙВ ЛИНИГЕР: 'ШИЛДЭГ ХҮМҮҮСТЭЙ НЭГДЭХ' НЬ БИЗНЕСИЙН АНХНЫ ХИЧЭЭЛ
RE/MAX-ийн үүсгэн байгуулагч, 50 жилийн урт түүхэн замналыг тодорхойлсон таван үндсэн хичээлийг 2023 оны R4 арга хэмжээг нээж олонд хүргэв.
RE/MAX Holdings-ийн ТУЗ-ийн дарга, үүсгэн байгуулагч Дэйв Линигер 2023 оны RE/MAX R4 арга хэмжээнд хүрэлцэн ирсэн 9300 гаруй оролцогчдод хандаж RE/MAX-н түүхэн 50 жил нь өөрчлөлтийг үргэлж хүлээн зөвшөөрч байсны үр дүнд ийнхүү тасралтгүй хөгжиж чадсан тухай бахархалтайгаар хэлсэн юм.
Линигер 2-р сарын 28-ны өдөр зохион байгуулагдсан Ерөнхий Хуралдааны нээлтэд хэлсэн үгэндээ "Мэдээж зах зээл улам хүндэрч, салбар салбарт өөрчлөлт хийгдсээр байна. Харин бид олон жилийн турш дэлхийд 1-р байр эзэлж чадсаны учир нь бид бүх цаг үед өөрчлөлтөд дасан зохицож, түүнийг ажил хэрэг болгож чадсанд юм” хэмээн тодотгов.
Чуулганы эхний өдөр Линигер "Амбиц болон тууштай байдал" нэртэй шинэ подкаст цувралд зориулан доорх таван үндсэн сургамжийг бидэнд зөвлөсөн бөгөөд эдгээр нь түүхэн хугацааны туршид өнөөгийн салбартаа тэргүүлэгч дэлхийн 140,000 гаруй салбартай Үл хөдлөх хөрөнгийн бизнес болгоход тусалсан гол түлхүүр ажээ.
Хичээл 1. Шилдэг хүмүүстэй нэгдэх тухай
Линигер нь хүнд эргэн тойрных нь хүмүүс нөлөөлдөг гэдэгт бат итгэдэг бөгөөд тэрээр хэлэхдээ, RE/MAX-ийг бүхий л салбарт байх хамгийн өндөр чадвартай хүмүүс бүтээсэн гэжээ.
"Өндөр бүтээмжтэй хүмүүс бол бидний өрсөлдөх чадварын №1 давуу тал"
Энэ давуу тал нь түүний анх ажилд авсан хүнээс нь эхэлж үргэлжилсэн гэж тэрээр нэмж хэлэв.
Тавин жилийн өмнө, 1973 оны 1-р сарын 30-нд үл хөдлөх хөрөнгийг бүр мөсөн өөрчилсөн RE/MAX брэнд нээлтээ хийснээс хойш удалгүй Линигер компанид элсэхээр хүсэлтээ өгсөн хүмүүстэй ярилцлага хийж байв. Түүний хийсэн 28 дахь ярилцлагад Гэйл Майн байсан бөгөөд тэрээр чадварлаг, харизм ихтэй, өөртөө итгэлтэй, өөдрөг үзэлтэй, олон мэргэжлээр дипломоо хамгаалж коллеж төгссөн нэгэн байв. Эхний жилүүдэд Майн үйл ажиллагааны бараг бүх талыг удирдаж байсан бөгөөд арваад жилийн дараа Линигертэй гэрлэж нэг нэрээр овоглох болжээ. Харин Линигер бизнесээ өргөжүүлэхэд анхаарлаа хандуулдаг байв.
Цугласан олны нижигнэсэн алга ташилтаар дүүрсэн сэтгэл хөдөлгөм агшинд RE/MAX-ийн үүсгэн байгуулагч Гэйл Линигер нөхөртэйгөө тайзан дээр гарч ирэв.
Хичээл 2. Зоригтой байж, зөв зүйл хийж, хүмүүсийн итгэлийг хүлээх тухай
Линигерийн бидэнд хүргэх хоёр дахь хичээл нь компанийн хоёр дахь жилд хүнд хэцүү үеэс хэрхэн гарсан тухай юм. Канзас Ситигийн залуу бизнес эрхлэгч Деннис Кертин Миссури мужид RE/MAX франчайз эзэмших сонирхолтой байгаагаа илэрхийлсэн нь Колорадо мужаас гадуурх анхны салбарын өргөтгөл байв.
Харамсалтай нь удалгүй Дейв Линигер өөрийн мэдэлгүй луйварчинтай орооцолдож энэ нь компанийн ирээдүйд заналхийлж байсан хүндхэн нөхцөл байдал болсон бөгөөд Куртин зоригтойгоор энэ бүхний эсрэг босож, Дэйв болон Гэйлтэй хамтран RE/MAX-н цаашдын ирээдүй рүү хамтдаа зүтгэж чадахаа баталсан юм. Бусад хүмүүс ч үүнийг дагаж, брэнд үргэлжлэхэд онцгой хувь тохиосон билээ. Ийнхүү 50 жилийн дараа Линигер найзынхаа мартагдашгүй итгэлийг одоо ч хүртэл санаж дурсдагаа тэрээр хуваалцав. Канзасаас Алабама хүртэлх долоон мужийн бүс нутгийг удирдаж байгаа Кертин энэхүү түүхийг сонсож, цугласан олны алга ташилтыг хүртлээ.
Хичээл 3. Өөрийн брэндийг бий болгоход хөрөнгө оруулах тухай
Үл хөдлөх хөрөнгийн хамгийн том өрсөлдөөний давуу талуудын нэг болох RE/MAX брэнд нь хамтын худалдан авалтын хүчээр хөгжиж байсан бөгөөд одоо ч улам бүр нэмэгдсээр байна. Линигерийн хэлснээр салбарууд бүс нутгийн зар сурталчилгааны санд хувь нэмэр оруулах нь сүлжээний хувьд хамгийн сайн шийдвэрүүдийн нэг хэвээр байсаар байна. Хэвлэлийн маркетингаас эхлээд бүс нутгийн телевиз, радио, 1978 оны алдарт RE/MAX Balloon хөөргөх ажиллагаа хүртэл гайхалтай санаанууд бөгөөд энэ нь RE/MAX агентууд болон тэдний нийгэмдээ хийсэн ялгааг бусдад маш сайн түгээхэд тусалдаг.
Энэхүү стратеги нь 1999 онд АНУ-ын үндэсний маркетингийн сан бий болсноор маш эрчимтэй хөгжиж, өнөөг хүртэл үндэсний кампанит ажил, түншүүд өөрсдийн зах зээлд хөшүүрэг болох шинэлэг контентыг хөгжүүлэхэд хөрөнгө оруулдаг.
"(1999 онд нээлтээ хийсэн) үндэсний зар сурталчилгаа нь сүлжээнд тэдний хийсэн энэхүү ажил нь хувьсгал хийсэн" гэж Лингер олон нийтэд хэлсэн бөгөөд энэ нь бизнесийг бүх талаар илүү өндөр түвшинд хүргэхэд дэмжлэг болжээ.
Хичээл 4. Үргэлж өсөж дэвших сэтгэлгээтэй байх тухай
Өсөлт бол RE/MAX-ийн гол тулгуур багана байсаар ирсэн. Бүхэл бүтэн систем нь агентууд болон багуудад бизнесээ өргөжүүлэх, брокеруудад зах зээлд эзлэх хувийг нэмэгдүүлэх, бүс нутгуудад өөрсдийнхөө ул мөрийг нэмэгдүүлэхэд туслах зорилготой байхаар бүтээгдсэн.
1990-ээд онд бий болсон Premier Market Presence нэртэй RE/MAX концепци нь өсөлтийн олон давуу талыг илэрхийлэхэд тусалжээ. Илүү олон RE/MAX агентууд нь илүү олон борлуулалт, илүү ихээр танигдах нөлөөлөл гэсэн үг юм. Эхний 34 жилийн хугацаанд RE/MAX-ын төлөөлөгчдийн тоо жил бүрийн эцсийн байдлаар өссөн үзүүлэлттэй байв.
Брэндийн тогтвортой, байнгын тэлэлт нь зогсолтгүй өсөлтийг эрхэмлэсэн сэтгэлгээг өөрийг болгож чадсан удирдагчдыг шаарддаг.
Лингер хэлэхдээ бренд болон сэтгэлтээ нь салшгүй холбоотой хамгийн чухал катализатор гэж нэрлэжээ.
1980 онд Канадын Онтарио болон Атлантын мужуудад RE/MAX-ийг авчирсан Уолтер Шнайдер, Фрэнк Полцлер нар өсөлтийн сэтгэлгээний үлгэр жишээг хэнээс ч илүү сайн харуулсан. Тэд RE/MAX-ыг Канад дахь зах зээлд 1-р байр эзлэхэд манлайлж, АНУ-ын хэд хэдэн томоохон бүс нутгийг хөгжүүлж, RE/MAX-ыг хилийн чанадад Европ руу хүргэж өргөжүүлсэн билээ.
1990-ээд оны дундуур Европ руу тэлж чадсан нь ирэх 25 жилийн хугацаанд дэлхий даяар мөрөө үлдээх томоохон үе шатын эхлэлийг тавьсан юм. Өнгөрсөн оны сүүлээр АНУ, Канадаас гадуурх нийт тоо 60,000 төлөөлөгчийн амжилтыг хэдийнээ давсан байна.
Харамсалтай нь Фрэнк Полцлер 12-р сард нас барсан боловч Шнайдер Куртин шиг брендийн түүхэн замналд оролцож, хамт олондоо хүлээн зөвшөөрөгдсөн нэгэн байсан юм.
Хичээл 5. Өөрчлөлтөд хурдан дасан зохицох тухай
Тав дахь сургамждаа Линигер 2008 оны санхүүгийн хямрал, дараагийн Их хямралын талаар дурджээ.
Линигер нь эдийн засгийн хүндхэн байдлын тухай бодлого зохицуулагчдад туслахын тулд Вашингтон-д хэд хэдэн удаа очиж ийнхүү хэлсэн байдаг.“Бид үүнийг давах боломжгүй гэдгийг эртнээс мэдэж байсанч эхлээд бизнесээ огт өөр аргаар дахин тунгааж, үүнд холбогдох ямар арга хэмжээг авах шаардлагатай."
"Шинэ сэтгэлгээний арга" нь RE/MAX брокер/эзэмшигч, төлөөлөгчдөд үл хөдлөх хөрөнгө худалдан авагч нар болон богино борлуулалт, барьцааны талаар суралцахад нь сайн чиглүүлж чаддаг. Энэ нь 20,000 гаруй төлөөлөгчийг “Мэргэшсэн Хөрөнгийн Шинжээч”-ийн хөтөлбөрөөр мөн элсүүлдэг. Үүнд хэрхэн RE/MAX-ийн төв оффис дахь зардлыг бууруулж, брокерийн компаниудыг ч мөн адил зүйлд уриалах тухай билээ.
Сүлжээний агентийн тоо тогтмол өсөж байсан урт хугацааны амжилтаа 2008-2011 он хүртэл ойролцоогоор 30,000 төлөөлөгчөө алдсан ч 2012 оноос эхлэн буцаж өссөн үзүүлэлтэй болсон.
RE/MAX-ийн Ерөнхийлөгч, Гүйцэтгэх Захирал Ник Бэйли хурлын тайзан дээр Линигертэй нэгдэж, цаг үетэйгээ дасан зохицохын тухай ийнхүү хэлэв.
"Бид өөрсдийн хянаж чадахгүй зүйлдээ биш харин хянаж чадах зүйлдээ анхаарлаа хандуулах хэрэгтэй."
Ийнхүү ирээдүйдээ илүүтэйгээр анхаарлаа төвлөрүүлж буй Линигер хэлэхдээ, энэхүү таван сургамж нь үнэхээр цагаа олсон зөвлөгөө гэж бодож буйгаа хэлсэн бөгөөд цаашид ч тийм байх болно гэжээ. Тэрээр өнөөгийн зээлийн хүүгийн орчны нөхцөл байдлыг тайлбарлаж, сүүлийн 50 жилийн хугацаанд 30 жилийн тогтмол хүү дунджаар 7.76% байсан гэдгийг тэмдэглээд, арван жилийн дараа гэхэд л тогтвортой бус бага хүүг худалдан авагч болон худалдагч нар хүлээн зөвшөөрөх болно гэжээ.
Одоогийн зах зээлийн ойрын ирээдүй болон үүнд RE/MAX ямар үүрэг гүйцэтгэж байгааг эргэцүүлэн бодохдоо Линигер RE/MAX-ийн хамт олныхоо санал бодлыг нэгт тавьж үнэлдэг болохоо онцлов.
Удирдлага гэдэг нь нь гайхалтай санааг брокер/эзэмшигч, төлөөлөгч нартайгаа байнга уулзаж санал солилцож бүтээдэг байхыг хэлнэ. Энэхүү компанид хэрэгжиж буй олон шилдэг санаанууд нь тэдгээрээс л гарч ирдэг тухай Линигер өгүүлэв.
RE/MAX нь аливаа сорилтыг даван туулахад хэзээд бэлэн, салбартаа хамгийн үр бүтээлтэй орчныг бүрдүүлэхэд бэлтгэлтэй байгаа тул үл хөдлөх хөрөнгийн салбарт үргэлжлүүлэн шинэ замналыг тодорхойлохоор байна.
"Энэхүү салбар зогсолтгүй өөрчлөгдөж байна. Мөн бид бүх хугацаанд өөрчлөлтийн тэргүүн эгнээнд явж ирсэн явсаар ч байх болно."