Уг хотхоны ерөнхий төлөвлөгөөг Улаанбаатар хотын ерөнхий төлөвлөгөө, “Жапан таун” хотхоны ерөнхий төлөвлөгөөтэй уялдуулан, сүүлийн үеийн хот төлөвлөлт, хэрэглэгчдийн эрэлт хэрэгцээ, шаардлагад нийцүүлэн “Эдшил” ХХК-д боловсруулсан. Нийт 380 айлын орон сууц байх ба 7 блок, 9 орц бүхий 16 давхар барилга байна. Айл болгон дулаан зогсоолтой, 3-5 өрөө, нэг орцондоо 2-4 айлтай. Айл болгон нар үзэх, голын тоглоомын талбайруу харьцах боломжыг бүрдүүлж төлөвлөлтийг хийсэн. Орон сууцны хотхоны голын хэсгийг автомашингүй, зөвхөн оршин суугчид, хүүхдүүд тоглох, амрах хэсэг байхаар зохион байгуулсан. Хотхоны оршин суугчид хойд зүгт шууд Нийслэл хүрээ өргөн чөлөө буюу “Орчлон” сургуулийн урд талын төв замтай нийлэх, урд зүгт Жапан тауны замтай нийлэх 2 талын орц гарцтай. Мөн орон сууц маань спорт комплекстэй хонгилын системээр холбогдож үйлчлүүлэх бүрэн боломжтой. Оршин суугчдын тав тухтай байдлыг хангах үүднээс жижиг супермаркет, ахуйн үйлчилгээний төв, ресторан, кофе шоп, өдөр өнжүүлэх төв, цэцэрлэг, сургалтын төв хангалттай төлөвлөгдсөн.
16 давхар, бүрэн цутгамал барилга. Зураг төслийг “Эдшил” ХХК, дизайныг “Ричмон Консалтинг” ХХК-д боловсруулсан. Орчин үеийн фасадны шийдэлтэй, урт удаан хугацаанд засвар үйлчилгээ хийхгүйгээр ашиглах боломжтой, интерьерын иж бүрэн зураг төсөлтэй бөгөөд Америк, Япон улсын сүүлийн үеийн орон сууцны чиг хандлагыг бүрэн шингээсэн.
Барилгын бүтээцийг “Улаанбаатар менежмент” ХХК-ний оруулан ирдэг ОХУ-ын хамгийн чанартай СП500 маркын арматур, “Эич энд Эич Ремикон” ХХК-ний өндөр маркын бетон зуурмагаар үйлдвэрлэсэн. Европын орнуудад үйлдвэрлэсэн барилгын материалаар засал чимэглэлийг хийнэ.
Улаанбаатар хотын хамгийн үнэ цэнэтэй байршил. Хотын төв, Зайсан хоёрын яг дунд, Сүхбаатарын талбайгаас 2 км зайд оршдог, утаагүй, түгжрэлгүй бүс. Орчлон ОУДС, Хобби ОУДС, ISU ОУДС, Емартын дэргэд, ҮЦХ-нд хүссэн үедээ алхаж зугаалах боломжтой.
