RE/MAX КОМПАНИ 2017 ОНЫ 3 Р УЛИРАЛД 32 ТЭРБУМЫН БОРЛУУЛАЛТТАЙ АЖИЛЛАЛАА.

  

Олон улсын нэр хүнд бүхий франчайз бизнесүүд сүүлийн жилүүдэд Монголд үйл ажиллагаагаа нэвтрүүлж олон улсын стандартын үйлчилгээг  ард иргэд маань авах боломжтой болж байгаа билээ.

Тэдгээрийн нэг нь үл хөдлөх хөрөнгийн зуучлалын бизнес болох RE/MAX компани билээ. Улаанбаатар хотын өнцөг булан бүрт шинээр нэмэгдсээр буй агаарын бөмбөлөг бүхий лого улаан цэнхэр цагаан өнгөөр бичигдсэн RE/MAX логог та бүхэн харж байсан л биз дээ.

Тэгвэл дөнгөж хоёр жилийн өмнө Монголд өөрийн салбараа нээж байсан АНУ д төвтэй энэхүү компани одоогоор 300 гаруй үл хөдлөх хөрөнгө зуучлагч агентуудтай нийт 17 салбартай болоод байгаа юм. 2017 оны зөвхөн 3 р улиралд энэхүү хамт олон нийт 584 гүйлгээгээр 32 тэрбум төгрөгийн үл хөдлөх хөрөнгийг худалдан борлуулж өмнөх жилийн мөн үетэй харьцуулахад маш өндөр өсөлтийг үзүүлжээ. Дашрамд дурдахад RE/MAX өмнөх жилийн 3 р улиралд 6 тэрбум төгрөгний борлуулалттай ажиллаж байсан юм.  7 болон 8 р сард борлуулалт төлөвлөснөөс 140%, 185% орчимоор тус бүр давж биелсэн бол 9 сард хүлээгдэж байснаас 98% биелэлттэй орсон гэж RE/MAX ын маркетинг, судалгааны албанаас мэдээлж байна.

2017 оны хагас жилээр нийт борлуулалтанд  60% ийг түрээсийн борлуулалт эзэлж байсан бол энэ тоо 3 р улиралд 57% болжээ. RE/MAX ын давуу талуудын нэг нь энэ компанид ажиллаж буй агентууд хамтран борлуулалт хийх боломжтой байдагт оршдог. Агентууд болон брокер оффисууд хоорондоо хийсэн борлуулалтын хэмжээ нийт борлуулалтын 32% ийг эзэлж байна.

RE/MAX компаниар дамжин борлуулагдаж буй үл хөдлөх хөрөнгийн дундаж м кв 110 бол дундаж үнэ 246.2 сая төгрөг байна. Эдний компанид хандаж буй 12 үл хөдлөх хөрөнгийн нэг нь борлуулагдаж байгаа статистиктай байгаа нь энэ салбартаа маш өндөр үзүүлэлт гэж хэлж болно. Үл хөдлөх хөрөнгө гэрээ хийгдсэнээс хойш 110 хоног орчимийн дараа борлуулагдаж байгаа бол түрээсийн гүйлгээ 140 орчим хоног байна.

Энэхүү салбарын хөгжилд нөлөө их үзүүлдэг ипотекийн зээл хэдийгээр энэ жилийн хувьд хязгаарлагдмал байгаа ч худалдааны зах зээлд худалдан авалтаар баталгаажсан эрэлт байсаар байгаа бөгөөд түрээсийн зах зээл эрэлт өндөртэй хэвээр байгааг энэхүү компанийн мэргэжилтнүүд дурдаж байна.

Remax.mn вэб хуудасны хандалтын тоо 326.743 д хүрч өмнөх оны мөн үеэс 3 дахин өсчээ. Нийт борлуулалтын 57% нь хоёр дүүрэгт буюу Хан Уул, Баянзүрх дүүргүүдэд хийгдэж байгаа нь энэхүү дүүргүүдэд оршин суугчдын тоо болон хэрэгжиж буй төслүүд, суурьшлын бүсийн шилжилт зэргээс үүдэж байна. 

Тэдний зүгээс хэрэглэгч нартаа зориулан 8% ийн зээлд хамрагдах боломжтой орон сууцны автобустай аялал, худалдааны төвүүдийн боломжит түрээсийн талбай танилцуулдаг жип тур, газрын зураг дээрхи бүсчилсэн хайлт, таны худалдаа хийхийг хүсч буй тэр л бүст худалдан авагч нартай ажиллаж буй агентуудыг үзүүлдэг maxmatch цэс г.м хэрэглэгч нарынхаа цаг завыг хэмнэсэн олон олон шинэлэг үйлчилгээ, технологиудыг нэвтрүүлсээр байна..   Үл хөдлөх хөрөнгийн бизнес олон улсад хамгийн их хөрөнгө оруулалтын өгөөж өндөртэй, тогтвортой, өсөлттэй бизнесийн нэгд зүй ёсоор тооцогддог.

Цаашдаа энэ салбарын бизнесүүдэд маш их боломж байна.

Хэрэв та бүхэнд үл хөдлөх хөрөнгө худалдан борлуулах, худалдан авах, түрээслэх түрээслүүлэх хэрэгцээ шаардлага тулгарч байгаа бол та өөрт хамгийн ойр байрлах RE/MAX ын брокер оффистой доорхи холбоосоор зочилж холбогдоорой.

Брокер оффистой холбогдох