МОНГОЛБАНК: ИПОТЕКИЙН ЗЭЭЛД ХАМРАГДАХ ИРГЭДИЙН ТОО ЭНЭ ОНД 1.5 ДАХИН ӨСӨХ БОЛОМЖТОЙ

Ипотекийн зээлд хамрагдах иргэдийн тоо 2019 онд өмнөх оноос 1.5 дахин өсөх боломжтой Монголбанк мэдээллээ. Банкнуудад олгох орон сууцны ипотекийн зээлийн санхүүжилтийн хүүг нэг хувь болгон бууруулах Засгийн газрын шийдвэр гарсан юм. Ингэснээр банкнуудын эх үүсвэрийг татан оролцуулах, зээлийн санхүүжилтийг нэмэгдүүлэхээр болоод байна. Үүнтэй холбоотойгоор банкнуудын өөрийн эх үүсвэрийг хөтөлбөрт нэмж тусгах ажлыг Төв банк зохион байгуулжээ. Дөрөвдүгээр сард Засгийн газрын эх үүсвэр орж ирсэн, банкнуудынх нэмэгдсэн зэргээс үүдэж 70 тэрбум төгрөгийн санхүүжилтийг орон сууцны зээлд нэмж гаргахаар болжээ. Ингэснээр энэ онд нийт санхүүжилтийн хэмжээ одоо байгаа 145 тэрбум төгрөгөөр нэмэгдэх боломжтой гэж Монголбанк мэдээллээ.

Эх сурвалж: Bloomberg TV