Гэр бүлийн угаалгын өрөөнд хэрэгжүүлж болох 8 санаа


Хэрэв та гэрийнхээ угаалгын өрөөг засаж тохижуулах гэж байгаа бол дараах 8 санаануудыг бодож үзэхийг санал болгож байна.

 

  1. Төрөл бүрийн юм хадгалах орон зайг гаргаж өгөх

Хэд хэдэн хүн угаалгын өрөөг ашиглаж байгаа тохиолдолд тэнд олон зүйл байх нь зайлшгүй юм. Хэрэв жаахан хүүхдүүдтэй бол өөрсдийнхөө гарт ойр хирнээ хүүхдүүдийн гараас хол шүүгээ, шургуулгыг хийх хэрэг гарна.

 

Сав шургуулгыг байрлуулахдаа хүүхдүүдэд зориулсан алчуур, тоглоомуудаа цэвэрлэх зүйлсийг нь доогуур харин эм, ариутгагч болон бусад хүүхдийн гараас хол байлгах зүйлсээ дээгүүр байрлуулахаар төлөвлө. Хиртэй хувцсаа хийдэг сагс байх юм бол хүүхдүүд хир болсон хувцсаа хийхэд амар байдаг.

 

 

  1. Ванн шүршүүрийг хослуулах

Хэрэв орон зайн хувьд асуудалгүй бол шүршүүр болон ванныг салгаж болно.  Гэхдээ ихэнх тохиолдолд хүмүүс зайгаа хэмнэхийг бодож шүршүүр болон ванныг нэгтгэж хийдэг.

  

Шийдвэрээ гаргахаас өмнө та эхлээд гэр бүлийнхээ гишүүдийг хэрхэн угаалгын өрөөг ашигладгийг бодоод үзээрэй. Балчир хүүхдүүдийг ванн дотор усанд оруулах нь дээр байдаг бол том хүүхдүүд шүршүүрийг илүүд үздэг.

 

 

  1. Хүүхдүүдэд зориулсан ванны шийдэл


Таны бяцхан хүүхдүүд хамтдаа усанд ордог бол  халуун хүйтнийг тохируулдаг хэсэг төвдөө байвал зүгээр байдаг. Ингэснээр аль нэг хүүхэд нь усны цоргоны хажууд суух шаардлагагүй болж байгаа юм. Ийм загвар нь хананаас гарч ирдэг байдлаар шүршүүрийг шийдэж нэг цэгт хэт их зүйл төвлөрүүлэхээс сэргийлдэг.

 

 

 

  1. Хэрэглэхэд хялбар энгийн угаалтуур

Угаалтуурын цоргыг сонгохдоо энгийн нэг цорготой халуун хүйтнээ нэг бариулаар тохируулдаг загварыг сонговол зүгээр. Ингэснээр балчир хүүхэд өөрийгөө түлэхээс сэргийлнэ.

 

Дан бариултай ийм загварын  нь хүүхэд ашиглахад хялбар байдаг. Жижигхэн гараараа бариулыг нь өргөж ашиглаад халуун хүйтнийг нь тохируулахад ердөө л бариулыг голд нь байлгах шаардлагатай.

 

  1. Цэвэрлэхэд хялбар хана болон тавиурууд

 

Олон ам бүлтэй айлуудад угаалгын өрөөгөө тогтмол цэвэрлэх шаардлага гардаг. Тиймээс цэвэрлэж арчлахад хялбар гадаргуутай материалыг сонгох нь зүйтэй.

Тэгшхэн нүүртэй бариулгүй шүүгээ нь элдэв ховил хонхортоо тоос шороо тогтоохгүй давуу талтай бөгөөд ханаа цэвэрлэхэд хялбар гадаргуутай хийгээрэй.  хоорондын зай нь тоос хуримтлуулах магадлалтай байдаг учраас хоорондоо зай багатай том  ханаа тохижуулах нь тохиромжтой.

 

  1. Цэвэрлэхэд хялбар шал

Шал ч мөн адил ус нэвтэрдэггүй бас цэвэрлэж угаахад хялбар байх хэрэгтэй. Хэрэв та модон шал сонирхож байгаа бол усны хамгаалалттай модны дүрслэлтэй шаазан гадаргуу байвал ус чийгээс болж гэмтэхгүй юм.

 

 

 

Харин та балчир хүүхэдтэй бол зөөлөн материалыг сонговол хүүхэд унахдаа бэртэж гэмтэхээс сэргийлдэг.   гадаргуу нь цэвэрлэхэд амархан бас зөөлөн учраас жаахан хүүхэдтэй айлд их тохиромжтой.

 


  1. Хангалттай тооны өлгүүр


Хэрэв та хүүхдүүдээ газар элдэв зүйл хөглөрүүлэхгүй байлгахыг хүсвэл өлгөж тавих  хангалттай хийж өгөөрэй. Ингэснээр хүүхдүүд тань хэрэглэсэн алчууруудаа өлгөж цэгцтэй байх болно.  өндрийг хүүхдэдээ тааруулж хийхээ мартуузай

 

  1. Суух сандал


Хэрэв та хүүхдээ усанд оруулах, угаалгын өрөөнд цэвэрлэгээ хийж байгаа гэх мэт үеүдэд суух хэрэг гардаг бол угаалгын өрөөндөө тохирсон жижиг сандлыг тавиарай. Жижигхэн нэмэлт тавилгыг тавьж өгснөөр саарал өнгөтэй угаалгын өрөө тань тохилог бөгөөд чимэгтэй болдог.

 

 

 

Эх сурвалж: www.houzz.com